Charter Document - 03051180

Charter Document - 03051180


Charter Number: 03051180
Cartulary Title: Cartularium Prioratus de Gyseburne [Guisborough]
Charter Language: Latin
Charter Origin: Lay
Charter Type(s): Confirmation
Date: 1292 - 1304
Date type: Assigned
Resource Link(s): People of Medieval Scotland

Charter:

Robertus filius Roberti de Brus quarti Dominus Vallis Anandie [] Deo et Ecclesie Sancte Marie de Giseburne et Canonicis ibidem Deo servientibus et servituris Ecclesiam de Anandia et Ecclesiam de Lougmaban cum Capella de Rokele Ecclesiam de Kirkepatric cum Capella de Logan Ecclesiam de Raynpatrick et Ecclesiam de Cumbertres et Ecclesiam de Gretenhou cum terris decimis et possessionibus omnibus et singulis ad predictas Ecclesias et Capellas qualitercunque pertinentibus et quoddam pratum juxta Grangiam dictorum Canonicorum in villa de Anandia quod habent ex dono patris mei Tenendam et Habendam Deo et prefatis Canonicis et eorum successores libere quiete et honorifice ita quod liceat eis perpetuis temporibus de terris et decimis et aliis prenominatis predictarum Ecclesiarum et Capellarum et prato predicto libere disponere et ordinare pro voluntate sua et eas colligere et cuicunque voluerint ad firmam dimittere dare vel vendere et alio quocunque modo voluerint et ubicumque voluerint cariore et commodum suum facere sine impedimento mei vel heredum meorum et hominum nostrorum Concedo etiam et confirmo omnes terras et tenuras cum hominibus liberis et nativis eorundem Canonicis que habent et tenent de feodo meo et antecessorum meorum in villis de Hertelpool Hert Stranton Eden Elleton et alibi ubique in Episcopatu Dunolmensi cum omnibus libertatibus et liberis consuetudinibus ad dictas terras et tenuras liberos homines et nativos ubique et qualitercunque pertinentibus Tenendam et Habendam Ecclesie predicte et prefatis Canonicis de me et her[edes] meis libere quiete pacifice et honorifice sine omni impedimento actione et demanda seculari sectis curiarum et sine omnimoda calumpnia et clamio mei vel heredum meorum in perp[etuum] Quare volo et bona fide precipio quod predicti Canonicis habeant et teneant omnia et singula supradicta in liberam quietam puram et perp[etuum] elemosinam sicut aliqua Ecclesia Anglie vel Scotie liberius et quietius aliquam elemosinam tenet Hanc autem concessionem et confirmationem feci prefate Ecclesie de Gyseburne et Canonicis prenominatis pro amore Dei et Beate Marie et pro animabus patris mei et matris mee et omnium antecessorum meorum in liberam et quietam et puram et perp[etuum] elemosinam In cujus rei testimonium presenti sigillum meum feci apponi Hiis Testibus Waltero de Faucomberg Marmaduco de Thwenge Willelmo de Rosell Arnaldo de Percy militibus Willelmo filio Ricardi filii Terry Johanne de Redmershyll Adam de Tochotes Adam filio Walteri de Thorp Johanne de Mersk Willelmo de Fulthorp Johanne Terry de Lythum et aliis multis