Charter Document - 03051175
| Charter Number: | 03051175 |
|---|---|
| Cartulary Title: | Cartularium Prioratus de Gyseburne [Guisborough] |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1311 |
| Date type: | Internal, A.D., Calendar, Episcopal |
| Resource Link(s): |
|
Charter:
Universis Christi fidelibus presentes literas inspecturis vel audituris Ricardus permissione divina Dunelmensis Episcopus salutem in Domino sempiternam Noverit universitas vestra nos concessisse et presenti scripto confirmasse Deo et Ecclesie Sancte Marie de Giseburn et Canonicis ibidem Deo servientibus et servituris donationes concessiones et confirmationes quas fecerunt eis venerabiles patres ac predecessores nostri Dunelmenses Episcopi accedente consensu Dunelmensis Capituli necnon et donationes quas alii donatores infrascripti fecerunt eisdem prout inferius annotatur Videlicet ecclesiam de Hert[] et ecclesiam de Stranton cum omnibus appendiciis et terris illarum quas eis donavit Robertus de Brus fundator suus et quas bone memorie Hugo Dunelmensis Episcopus predecessor noster de consensu Capituli sui dictis Canonicis ad usus proprios confirmavit unacum capella de Hertrepoll ad ecclesiam de Hert[] et capella de Seton ad ecclesiam de Stranton pertinentibus et totas terras et redditus quas eis dederunt Willelmus de Brus et Robertus de Brus in villis de Hert[] et Hertrepoll de vico scilicet qui dicitur Vicus Beate Marie et aliis reditibus in eadem et sex bovata terre quas eis dedit Robertus de Brus in villa de Stranton et totam terram suam in Aselackeby quam habuit ex dono Abbatis et Conventus de Augo et quam eis bona memoria Walterus Dunelmensis Episcopus confirmavit eisdem et totam terram suam in Edmundbyre quam habent ex dono Petri Brouncost et totam terram suam quam habent in Elleton quatuor scilicet bovata terre quas habent ex dono Matilde cognate Roberti de Brus prout confirmatio ejusdem Roberti testatur et annuum redditum tres decem denarios quam habent de triginta acris terre in Byssopton ex dono Rogeri de Couners insuper manerium de Tremedon cum pertinentiis quod eis donavit in liberam puram et perpetuum eleemosynam bone memorie Ricardus secundus Dunelmensis Episcopus quondam Episcopus Sarisbyriensis accedente consensu Capituli Dunelmensis et confirmatione domini Regis Henrici et capellam ejusdem ville quam eis donavit bone memorie Willelmus Dunelmensis Episcopus de consensu Capituli Dunelmensis et manerium de Castel Eden quod eis donavit Ivo de Setoun et quod eis confirmavit bone memorie Nicholaus Dunelmensis Episcopus accedente sui Capituli confirmatione et medietatem decime bladi ejusdem ville cum toto alteragio ejusdem et uno messuagio juxta cimiterium et tribus acris terre quas habent ex dono Prioris et Conventus Dunelmensis Ecclesie Nos vero predictas donationes concessiones et confirmationes prout in eisdem perspeximus plenius contineri ratas habentes et gratas ipsas ex certa scientia auctoritate pontificali in liberam puram et perpetuum eleemosynam predicte ecclesie de Gyseburne et Canonicis predictis confirmavimus in usus proprios possidendas Ad cujus rei perpetuam memoriam presenti scripto sigillum nostrum apponi fecimus in testimonium premissorum Datum apud Gretham xij Kal Novembris anno domini [MCCC] undecimo et pontificatus nostri primo