Charter Document - 03051145
| Charter Number: | 03051145 |
|---|---|
| Cartulary Title: | Cartularium Prioratus de Gyseburne [Guisborough] |
| Charter Language: | Latin |
| Charter Origin: | Religious |
| Charter Type(s): | Ordination |
| Date: | 1287 |
| Date type: | Internal, A.D., Calendar, Episcopal |
| Resource Link(s): |
|
Charter:
Radulphus miseratione Divina Karliolensis Episcopus dilectis in Cristo filiis Priori et Conventui de Giseburne nostre dioecesis salutem gratiam et benedictionem Curam animarum diligentius procurari ac comodius dispensari [] religiose persone que a primis quidem cunabilis regularibus institutis instructa [] querens exemplo sancte conversationis et vite subditos informare valeat eadem [] de Brydekyrcke nostre dioeceseos quam in proprios usus canonice possidetis ad vestram presentationem [] secularis ob religionis tamen sacre reverentiam cultusque divini augmentationem ac hospitalitatis abundantioris ampliationem quas in nostris subditis vigere visceraliter affectamus Ordinamus et concedimus pro nobis et succ[essoribus] nostris quod ad dictam vicariam quantumcunque eam vacare contigerit liceat vobis Concanonicum vestrum Perpetuum Vicarium in dicta Ecclesia preficiendum nobis et succ[essoribus] nostris presentare qui ab Episcopo Karliolensi qui pro tempore fuerit curam recipiet animarum secumque habeat alium Canonicum ac Presbiterum Parochialem secularem secum prout convenit commorantes Proviso tamen nobis et succ[essoribus] nostris in omnibus et singulis que ad jurisdictionem et correctionem ordinariam spectare noscuntur et vobis Priori et succ[essoribus] vestris in omnibus et singulis que regularem professionem disciplinam et observantiam ordinis vestri contingunt reverenter subsit obediat et intendat Datum apud Skelderirischoth pridie Nonas Septembris A[nno] D[omini] millesimo ducentesimo octogesimo septimo et pontificatus nostri octavo
Source (click image below to view full size)
