Charter Document - 03050988

Anno gratie MCCLX nono ad festum Sancti Martini in hyeme facta est hec conventio inter Dominum Radulphum Priorem et Conventum Gyseburne et parte una et Dominam Aviciam Priorissam et Conventum Sanctimonialium de Grendale ex altera videlicet quod eadem Priorissa et Conventus dimiserunt ad firmam perpetuam predictis Priori et Can[onicis] et eorum succ[essores] totam terram quam habuerunt que vocatur Percybiging juxta Uggethorp cum messuagiis et clausis boscis planis pratis pascuis moris mariscis turbariis viis semitis aquis stagnis vivariis et omnibus aliis pert[inentiis] libertatibus et aysiamentis ad predictam terram ubique pertinentibus Insuper et totum jus et clamium quod habuerunt vel aliquatenus habere potuerunt in aliquibus easdem Sanctimoniales ratione predicte terre cum pert[inentiis] aliquo modo contingentibus pro quadam summa pecunie quam prefati Prior et Conventus predictis Sanctimonialibus pre manibus dederunt Insuper reddendo inde perpetuis temporibus annuatim predictis Priorisse et Conventui viginti sex quarteria frumenti rationabiliter purgati et communi modio patrie mensurati ad duos terminos videlicet medietatem inter festum Sancti Michaelis et festum Sancti Martini in hyeme proxima sequens apud Brotton et aliam medietatem inter festum Pentecostes et festum Nativitatis Sancti Johannis Baptiste proxima sequens apud Merske pro omni servitio consuetudine et exactione seculari Ita quod liceat prefatis Priori et Can[onicis] et eorum succ[essores] de predicta terra cum omnimodis pert[inentiis] memoratis ac aliis quibuscunque ad ipsam quoquo modo spectantibus pro voluntate sua ubicumque et quandocumque et qualitercumque commodum suum facere Remiserunt etiam prefate Sanctimoniales predictis Priori et Conventui totam communam quam habuerunt in boscis et pascuis de Uggethorpe pretextu compositionis inter ipsas et ipsos prius confecte Predicti vero Prior et Conventus concesserunt prefatis Sanctimonialibus singulis annis tres tractus virgarum de bosco suo de Uggethorp per manus forestariorum eorundem Prioris et Conventus percipiendos Predicte vero Priorissa et Sanctimoniales et earum susceptrices prefatis Priori et Can[onicis] et eorum succ[essores] totam predictam terram cum omnibus ad eandam pertinentibus contra omnes homines warantizabunt adquietabunt et defendent inperp[etuum] pro firma predicta bladi solummodo pro omnibus Si autem predicti Prior et Can[onicis] a solutione prefate firme bladi ad aliquem terminum defecerint licebit predictis Priorisse et Sanctimonialibus memoratam terram cum pert[inentiis] libere et absque alicujus contradictione seu impedimento per inventa in eadem distringere donec de firma supradicta eis fuerit plene satisfactum Si vero prefati Prior et Can[onicis] aut eorum succ[essores] pro defectu warantie vel acquietationis aut defensionis predicte terre cum pert[inentiis] aliquas expensas fecerint vel dampnum sustinuerint eedem Priorissa et Sanctimoniales hujusmodi expensas et dampna memoratis Priori et Can[onicis] plenaria refundent licebitque dictis Can[onicis] tantum de supradicta firma blady retinere quantum rationabiliter ostendere poterunt se in hujusmodi dampnis et expensis perdidisse nec alias eisdem fuerit satisfactum Ut autem hec conventio rata et illibata sit in perp[etuum] predicti Prior et Can[onicis] ex parte una et prefate Priorissa et Sanctimoniales ex altera huic scripto cyrographato sigilla Capitulorum suorum apposuerunt H[iis] T[estibus] Domino Petro de Malo lacu Domino Marmedoco de Thueng Domino Ada de Seton Domino Willelmo de Rosell Domino Ambrosio de Camera Magistro Johanne de Tocotes Rectore Ecclesie de Lyth Roberto de Acclum Roberto Maucovenand Roberto Buscel Galfrido de Tocotes Roberto de Scelton Waltero de Thorp Johanne de Redmershyl et aliis