Charter Document - 03050943

Anno gratie MCC sexagesimo secundo ad festum Sancte Luce Evangeliste facta est hec conventio inter Dominum Radulphum Priorem et Conventum Gyseburne ex una parte et Dominam Aviciam Priorissam et Conventum de Grendale ex altera videlicet quod eadem Priorissa et Conventus dimiserunt ad firmam perpetuam Priori et Can[onicis] et eorum succ[essores] totam terram quam aliquando habuerunt in valle de Hugethorpe cum toftis et croftis assartis boscis planis pratis pascuis moris mariscis turbariis viis semitis aquis stagnis vivariis molendinis et cum omnibus aliis pert[inentiis] libertatibus et aisiamentis infra villam et extra ad predictam terram ubicumque pertinentibus Reddendo annuatim predictis Priorisse et Conventui viginti et octo quartario frumenti rationabiliter purgati et communi modio mensurati ad duos terminos videlicet medietatem inter festum Sancti Michaelis et festum Sancti Martini in hyeme proximo sequens apud Brottonam et aliam medietatem inter Carniprivium et Pascha proximo sequens apud Mersc pro omni servitio consuetudine et exactione seculari Licebit autem prefatis Priori et Can[onicis] et eorum succ[essores] in predicta terra cum omnibus pert[inentiis] inpar care fossare claudere et edificare et omnimodum commodum suum quandocunque et ubicumque et qualitercunque voluerint pro voluntate sua exinde facere Salva tantummodo predictis Priorisse et Sanctimonialibus pastura predicte ville ad quadraginta averia majora et minora et ad ducentas oves si totidem averia propria vel oves proprias apud Percybigginge habuerint cum libero introitu et exitu ad predictam pasturam extra campos prata parcos et omnimodas clausturas predictorum Can[onicis] Nec licebit predictis Priorisse et Sanctimonialibus in predicta pastura aliquos porcos ponere nec aliena averia vel alienas oves seu aliqua aliena animalia in predicta pastura nomine suo habere seu ponere Et pro firme predicte et libertatum prescriptarum concessione predicti Prior et Can[onicis] dederunt predictis Priorisse et Sanctimonialibus per manibus viginti marcas argenti preter annuum redditum predictum Predicte vero Priorissa et Sanctimoniales et eorum succ[essores] prefatis Priori et Can[onicis] et eorum succ[essores] totam predictam terram cum omnibus ad eandem pertinentibus contra omnes homines warantizabunt acquietabunt et defendent inperp[etuum] pro firma predicti bladi solummodo pro omnibus Si autem predicti Prior et Can[onicis] a solutione prefate firme bladi ad aliquem terminum defecerint licebit predictis Priorisse et Sanctimonialibus memoratam terram cum pert[inentiis] libere et absque omni contradictione alicujus seu impedimento per inventa in eadem distringere donec de firma supradicta eis fuerit plenaria satisfactum Si vero prefati Prior et Can[onicis] aut eorum succ[essores] pro defectu warantie vel acquietationis aut defensionis predicte terre cum pert[inentiis] aliquas expensas fecerint vel dampna sustinuerint eedem Priorissa et Sanctimoniales hujusmodi expensas et dampna memoratis Priori et Can[onicis] plenaria refundendi licebitque dictis Can[onicis] tantum de supradicta firma bladi retinere quantum rationabiliter ostendere poterunt se in hujusmodi dampnis et expensis perdidisse nec alias eisdem fuerit satisfactum Ut autem hec conventio rata et illibata sit inperp[etuum] predicti Prior et Can[onicis] ex parte una et prefate Priorissa et Sanctimoniales ex altera huic scripto cyrographato sigilla Capituli sui apposuerunt H[iis] T[estibus] Dominis Rogero de Tochotes Henrico filio Conani Johanne de Tokotes Matheo de Glaphou Willelmo de Malolacu Magistro Mauricio Rectore Ecclesie de Gretham Alano de Daneby Humfrido de Hotona Alano de Gyseburne Willelmo fratre ejus Henrico de Alvertona Roberto de Dictona Roberto de Yrtona Johanne de Redmershil et Willelmo de Beringham et m[ultis] a[liis]