Charter Document - 03050942

Ita convenit inter Dominum Petrum de Brus tertium ex una parte et Johannem Priorem et Conventum de Gyseburne ex altera anno gratie MCCXL quinto secundo die Aprilis coram Domino Henrico de Batonia Justiciario Domini Regis Domino Roberto filio Meldredi Domino Stephano de Meynil Domino Johanne Hansard et aliis videlicet quod Dominus Petrus de Brus concessit pro se et her[edibus] suis quod perpetuis temporibus tenebunt Priori et Conventui de Gyseburne sine omni impedimento et contradictione omnes articulos contentos in omnibus cirographis confectis in Curia Domini Regis tam inter ipsum Petrum et predictum Priorem et Conventum quam inter Dominum Petrum de Brus patrem ipsius Petri et predictos Priorem et Conventum in omnibus rebus usitatis et non usitatis et ipso die posuit predictos Priorem et Conventum in saisinam ut licite possint uti tam de actenus non usitatis quam usitatis Concessit etiam idem Petrus pro se et her[edibus] suis quod nec ipsi nec aliqui ex parte sua exigent in villa de Cotum nec aliquam capient mercedem de mensuris Item concessit idem Petrus pro se et her[edibus] suis quod naves portantes res ipsorum Prioris et Conventus ad portum de Cotum sive fuerint proprie naves ipsius Domus de Gyseburne sive conductive et per Priorem et Conventum conducte quiete sint ab omni prestatione tolneti et exactione pro situ navis Quod si forte res alienas deportaverint non sint per hanc concessionem a prestatione tolneti debiti ac consueti pro illis rebus [quiete] nisi fuerint alicujus de familia ipsorum Prioris et Conventus qui res ipsas ad utendum et non ad vendendum deportaverant Item concessit idem Petrus pro se et her[edibus] suis prefatis Priori et Conventui quod de cetero perpetuis temporibus quieti sint de terra quam tenent in Lofthus ab omni secta Curie ita tamen quod facient forinsecum servitium prout continetur in carta ipsorum quam inde habent Concessit etiam idem Petrus pro se et her[edibus] suis quod nec ipsi nec homines sui de cetero impedient homines nec canes ipsorum Prioris et Conventus alicubi infra limites territorii sui de Gyseburne salvis eidem Petro et her[edibus] suis feris in loco qui dicitur Westwith ita tamen quod si canes predictorum Prioris et Conventus divisas suas transierint bestiam sequendo usque in forestam ipsius Petri predicti dummodo non fuerint secuti per homines dictorum Prioris et Conventus sive bestias ceperint sive non sine captione et impedimento dimittantur Si vero homines ipsorum Prioris et Conventus prosecuti fuerint canes ipsorum in foresta predicti Petri secundum consuetudinem foreste sue ei emendabitur Dicti autem Petrus et heredes sui de cetero solvent predictis Priori et Conventui decimam totius venationis sue in parochiis suis Et idem Petrus de arreragiis rationabiliter sine dilatione satisfaciet predictis Priori et Conventui Decimas autem molendinorum suorum in parochiis suis solvent de cetero prefatis Priori et Conventui idem Petrus et heredes sui si in denariis ad firmam fuerint dimissa vel in blado si pro blado fuerint affirmata vel in manu ipsorum retenta prestito tamen predictis Priori et Conventui a custodibus molendinorum corporali sacramento de fideli solutione Et idem Petrus de subtractis decimis molendinorum predictorum Priori et Conventui plene sine dilatione satisfaciet Item dictus Petrus solvet predicto Priori et coexecutoribus suis testamenti Domini Petri de Brus patris sui defuncti pecuniam quam eis debet pro bonis predicti patris sui quam ei dimiserunt ita quod debitis plenaria solutis de ipsius Petri scientia assignabitur residuum in quantum se bona possint extendere ad complendam ultimam voluntatem ipsius defuncti Si quid autem solutum est per predictum Petrum de debitis patris sui rationabiliter et plene ei allocabitur Dampna vero que dicti Prior et Conventus dicunt se sustinuisse per predictum Petrum et homines suos per discretos viros estimabuntur et usque diffusum tempus estimatio dampnorum differetur quamdiu idem Petrus bene et amicabiliter erga predictos Priorem et Conventum se habuerit Quod si non fecerit statim competet eis reparatio Omnes vero articuli prescripti qui rationabiliter poterunt cirographario cirographabuntur coram Justiciariis Domini Regis de Banco in quintana Pasche proxima ministrantibus per partes superscriptas vel per partium attornatos Omnia vero supradicta fideliter sine fraude et malo ingenio observanda dictus Dominus Petrus de Brus tactis sacrosanctis juravit et hoc idem dicte Prior pro se et Conventu suo fideliter in verbo Dei promisit observanda In cujus rei testimonium predictus Dominus Petrus de Brus sigillum suum apposuit huic scripto una cum sigillo Domini Henrici de Batonia Justiciarii Domini Regis Ex altera vero parte predictus Prior sigillum suum apposuit una cum sigillo Domini Roberti filii Meldredi