Charter Document - 03050779

Notum sit omnibus Cristi fidelibus hoc scriptum visuris vel audituris quod anno gratie mcc septuagesimo ad Natale Domini ita convenit inter Radulphum Priorem Gyseburne et ejusdem loci Conventum ex parte una et Marmeducum de Twenge ex altera videlicet quod predicti Prior et Conventus remiserunt ex tunc inposterum prefato Marmeduco et heredes suis annuum redditum viginti et sex solidorum in quo predictus Marmeducus et heredes sui antea tenebantur eisdem pro tribus bov[atas] terre cum pertinentiis in Kylton quarum duas habuerunt ex dono Osberti de Kylton et tertiam ex dono Walteri filii Pagani et pro una bov[ata] terre cum pertinentiis in Parva Morsum quam Alanus Clericus aliquando tenuit et pro annuo redditu quatuor solidorum et unius skeppe salis de duabus bov[atas] terre in Lythum quas Huctredus Longus aliquando tenuit et pro una acra et dim[idia] terre que jacent inter croftum ipsius Marmeduci ex una parte et Westbek ex altera ita videlicet quod predicti Prior et Conventus nichil juris vel clamii in terris predictis deinceps exigere poterunt Set easdem terras de Kilton scilicet et de Lythum predictus Marmeducus et heredes sui de Domino Henrico de Percy et heredes suis integre et libere tenebunt Predictus vero Marmeducus Deo et Ecclesie Sancte Marie de Gyseburne et prefatis Canonicus pro hac remissione dedit et concessit et presenti scripto confirmavit duas bov[atas] terre cum uno tofto et crofto et cum una sellione terre in loco in Campo de Lythum qui vocatur Barton et cum alia sellione in loco qui in Campis predictis vocatur Langgemore et cum una sellione que jacet propinquior culture Prioris que quidem cultura jacet inter Lythum et Overby ex parte culture ipsius australi Quas quidem bov[atas] terre cum tofto et crofto et selionibus predictis Ricardus dictus Parvus quandocunque de predicto Marmeduco tenuit Tenendum et Habendum Deo et Ecclesie predicte et Canonicus memoratis in liberam puram et perpetuum elemosinam cum omnibus libertatibus et aysiamentis ad predictas terras infra villam et extra ubique spectantibus Predictus vero Marmeducus et heredes sui predictas bov[atas] terre cum tofto et crofto et cum sellionibus terre prefatis memoratis Canonicus contra omnes homines warantizabunt acquietabunt et defendent in liberam puram et perpetuum elemosinam Concesserunt etiam predicti Prior et Canonicus prefatis Marmeduco et heredes suis Cantariam infra Castellum suum de Kilton ita scilicet quod predictus Marmeducus et heredes sui pro oblationibus per se et liberam familiam suam ac hospites transeuntes in posterum faciendis in eadem solvent annuatim die Omnium Sanctorum super altare matricis Ecclesie de Skelton sex denarios argenti Salvis eidem matrici Ecclesie omnibus decimis majoribus et minoribus ac juribus aliis omnibus et singulis preter oblationes predictas de prefato Marmeduco et heredes suis et hominibus ipsorum universis et singulis ad Ecclesiam matricem prefatam qualitercunque spectantibus Remisit insuper predictus Marmeducus pro se et heredes suis conventiones qualescunque inter antecessores ejusdem et Canonicus Gyseburne super Cantariam Capelle de Kylton aliquando habitas ita quod Prior et Conventus Gyseburne de cetero ad hujusmodi conventiones contra voluntatem suam nullatenus teneantur In hujus autem rei evidentiam pleniorem huic scripto cyrographato predicti Prior et Conventus sigillum Capituli sui apposuerunt ex parte una et predictus Marmeducus sigillum suum apposuit ex altera Hiis Testibus Domino Johanne de Bulmer Johanne de Tocotes Nicholao de Fulthorp Willelmo de Fulthorp Stephano filio Ricardi Radulpho Mart[] Johanne Terri Matheo de Glaphou Johanne de Redmershill et aliis multis