Charter Document - 03030937
| Charter Number: | 03030937 |
|---|---|
| Cartulary Title: | The Chartulary of Cockersand Abbey of the Premonstratensian Order |
| Charter Language: | Latin |
| Charter Origin: | Religious |
| Charter Type(s): | Quitclaim |
| Date: | 1271 |
| Date type: | Internal, A.D., Feast |
| Resource Link(s): |
|
Charter:
Omnibus [sancte matris ecclesie filiis ad quos presens scriptum pervenerit] Frater Adam Dei gratia dictus abbas de Cokersand et ejusdem loci conventus salutem Noverit universitas vestra nos communi assensu et consensu conventus nostri remisisse ac pro nobis et successoribus nostris in perpetuum quietum clamasse domino Galfrido de Dutton et heredibus suis vel assignatis totum jus et clamium quod habuimus vel habere potuimus in homagium et servicium de illis terris et tenementis quas de nobis tenuit in Werburton et Cadwalsete cum omnibus libertatibus et pertinenciis dictis terris serviciis et homagiis pertinentibus scilicet in wardis escetis releviis et omnibus aliis exitibus predictis terris homagio et servicio pertinentibus Preterea concessimus [] et quietam clamavimus pro nobis et successoribus nostris dicto Galfrido et heredibus suis vel assignatis capellam de Werburton cum advocatione ejusdem et [viij] bovatas terre et reditibus et possessionibus predicte capelle pertinentibus que date sunt de predecessoribus predicti Galfridi et aliorum aliquorum infra comitatum Cestrie salvis nobis et successoribus nostris reditibus nostris et possessionibus in civitate Cestrie Item reddidimus predicto Galfrido omnes cartas scripta et instrumenta que habuimus ab ipso et antecessoribus suis sive de omnibus aliis de comitatu Cestrie dictam capellam tangentia et terras prescriptas Et si aliquod scriptum seu carta de cetero de predictis inveniantur voluimus ut nihil nobis poterint prodesse vel dicto Galfrido et heredibus suis nocere vel gravare [] Pro hac autem concessione remissione et quieta clamancia predictus Galfridus dedit nobis quater viginti marcas argenti Ita quod nos dicti abbas et conventus nec successores nostri de cetero nullum jus vel clamium in omnibus rebus prenominatis et reservatis poterimus exigere vel vendicare in perpetuum In cujus rei testimonium presenti scripto signum nostrum commune apposuimus Datum apud Cokersand die sancte Lacie virginis anno incarnacionis dominici millesimo ducentesimo septuagesimo primo Hiis testibus domino Willelmo Pincerna domino Adam de Hocton domino Adam de Holand domino Adam de Bury militibus Gilberto de Sutheworthe Alano de Rixton Michaele de Peninton Hugone Norreys Henrico de Tildislee domino Petro rectore ecclesie de Limme Ricardo Starki Adam de Hatton et aliis
Source (click image below to view full size)
