Charter Document - 03010393
| Charter Number: | 03010393 |
|---|---|
| Cartulary Title: | The Chartulary of Cockersand Abbey of the Premonstratensian Order |
| Charter Language: | Latin |
| Charter Origin: | Religious |
| Charter Type(s): | Ordination |
| Date: | 1241 |
| Date type: | Assigned |
| Resource Link(s): |
Reference Document for this Embedded Document |
Charter:
Omnibus Christi fidelibus [] Johannes Romanus Archidiaconus Richmundie salutem in Domino Noverit universitas vestra nos divine pietatis et caritatis intuitu compacientes paupertati Abbatis et Conventus de Cokersand eorum jure considerato et plenius intellecto cum ordinationi nostre commisissent ecclesiam de Gairstang cum suis pertinentiis ipsam eis in proprios usus confirmasse habendum sibi et successoribus suis inperpetuum in usus pauperum et hospitum et utilitatem domus ejusdem salva vicaria per eos conferenda nobis et successoribus nostris vicarium presentando eadem vicaria in hunc modum taxata videlicet ut vicarius nomine vicarie inperpetuum habeat et recipiat omnimodas decimas tam majores quam minores et omnimodos proventus quocumque nomine censeantur tocius ville de Clacton ad quam villam spectant Heyham Dounanesherg Et de eadem villa habebit cum pertinentiis vicarius omnes obventiones et oblationes tam vivorum quam mortuorum Habebit etiam vicarius liberam communam suam in bosco de Gairstang et de Kirkelund cum medietate decimarum pannagii de Kirkelund Preterea idem vicarius qui pro tempore fuerit inperpetuum habebit et percipiet omnes oblationes tocius parochie de Gairstang spectantes ad tres solempnes festivitates singulis annis scilicet ad Natale ad Pascha et ad sollempne festum matricis ecclesie cum omnibus dicto vicario et capellano suo legatis denariis missalibus annualibus trientalibus privatis beneficiis et cum omnibus aliis consuetis et minutis obvencionibus debitis ratione vigiliarum mortuorum et sponsalium Dictus vero vicarius honeste faciet divina celebrari in ecclesia de Gairstang et omnia ordinaria Archidiaconalia debita et consueta ad dictam ecclesiam spectantia sustinebit Idem vero vicarius singulis annis in villis suis supradictis colliget denarios beati Petri et de illis respondebit Archidiacono loci pro porcione sua sicut Abbas et Conventus respondebunt pro porcione sua Et sciendum est quod dictus vicarius habebit unum mansum competentem juxta cimiterium dicte ecclesie quod vocatur Philiptoft Habebit etiam unam bovata terre in territorio de Gairstang cum pertinenciis immunem a prestacione omnium decimarum tam majorum quam minorum et unum mansum cum prato ad eam spectante et cum omnibus aliis libertatibus et aisiamentis ad ipsam bovata spectantibus Salvis etiam nobis et successoribus nostris causis et denariis beati Petri integre sine [ulla] diminucione in tota parochia ecclesie memorate In cujus rei testimonium huic scripto sigillum nostrum apposuimus
Source (click image below to view full size)
