Charter Document - 03000102
| Charter Number: | 03000102 |
|---|---|
| Cartulary Title: | York Minster Fasti |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1201 |
| Date type: | Assigned |
| Resource Link(s): |
|
Charter:
S[imon] decanus et capitulum sancti Petri Ebor[acensis] omnibus has literas visuris vel audituris salutem in vero salutari Noverit universitas vestra nos confirmasse imperpetuum libere et quiete et sine omni exaccione Johanni clerico nostro dicto Lombardo et successoribus suis nomine ipsius ad altare sancti Nicholai in criptis servientibus omnes redditus quos idem Johannes adquisivit Deo et sancto Nicholao in criptis et in posterum adquiret ut inde sacerdos et clericus servientes predicto altari et luminaria sustententur scilicet triginta et duos solidos in villa de Cotum de stauramentis ovium que predictus Johannes in eadem villa communi consilio et concessione nostra apposuit ad prefatum redditum habend et octo solidos in Bortona de terra quam tenuit Walterus Furmage et heredes sui reddendo inde annuatim octo solidos scilicet illam terram quam Willelmus Murdac dedit Deo et sancto Petro et sancto Nicholao per adquisicionem predicti Johannis et in eadem villa unam bovatam terre et dimidiam cum toftis et omnibus pertinenciis suis que fuerunt Willelmi filii Martini quas Cecilia filia ipsius Willelmi et heres contulit Deo et sancto Petro et sancto Nicholao sic procurante prefato Johanne salvo tamen servicio quod predicta terra debet commune nostre scilicet triginta et duos denarios item in predicta Bortona quinque rodas que fuerunt Hadewise que jacent inter terram ecclesie et terram Nigelli item in Ebor[aco] quatuor bothas in Petergate et cameram ligneam versus sanctum Benedictum et terram quam tenet Gregorius capellanus que omnia fuerunt Johannis de Mortona que idem Johannes contulit Deo et sancto Petro et sancto Nicholao per adquisicionem predicti Johannis dicti Lombardi Nos vero ad majorem cautelam accensis candelis excommunicavimus omnes illos qui aliquid auferent vel subtrahent vel maliciose diminuent in aliquibus temporibus de predictis redditibus Deo et sancto Petro et sancto Nicholao et ministris ibi Deo servientibus collatis adquisitis et in posterum adquirendis et conferendis ita tamen quod predictus Johannes disponet in vita sua pro voluntate sua de prefatis redditibus quos jam adquisivit vel in posterun adquiret salvis tamen quadraginta solidis quos Nicholaus minister vel successores ipsius annuatim percipiet Post decessum vero prefati Johannis remanebunt omnes redditus ministris in prefato loco Deo et sancto Nicholao servientibus secundum disposicionem a Johanne prius factam Hiis testibus S decano H thesaurario A archidiacono W archidiacono de Notingham H archidiacono Richemund[ie] R archidiacono Cliueland[ie] Willelmo Lisia Herardo Johanne Gregorio Brando canonicis Alexandro succentore Hugone Willelmo Rogero Ricardo Thoma Gilberto capellanis Roberto Alano Stephano Galfrido diaconis Alexandro Paulino Ernulpho subdiaconis Predictus vero Johannes quemcumque capellanum successive in vita sua elegerit decano et capitulo presentabit salva ordinacione ejusdem loci decano et capitulo post decessum ejusdem Johannis secundum disposicionem ab eodem Johanne prius factam
Source (click image below to view full size)
