Charter Document - 03000100

Notum sit omnibus tam presentibus quam futuris quod decanus et capitulum Ebor[acense] dederunt et concesserunt Johanni Lumbardo fideli clerico suo Intuitu pietatis quoddam servicium quod debent illis facere homines sui de Cotum scilicet quod fidem homines de Cotum debent recipere a predictis decano et capitulo sexcentas oves et eas in expensis suis tenere et sub periculo suo custodire ita scilicet quod nulla ovis dictis decano et capitulo morietur et pro quolibet centum homines de Cotum debent reddere illis annuatim viginti solidos inperpetuum duobis terminis scilicet medietatem ad festum sancti Martim et aliam medietatem in festo Pentecostes Predictum siquidem servicium prefato Johanni sicut predictum est in vita sua plenarie concesserunt et sine omni retenemento ita quod idem Johannes recipiet ab hominibus de Cotum pro quolibet centennario ovium viginti solidos annuatim duobus terminis postquam ipsi predictas oves receperunt scilicet medietatem ad festum sancti Martini et medietatem ad Pentecosten Verumtamen predicti decanus et capitulum de predicta firma dederunt et concesserunt sepedicto Johanni triginta et duos solidos annuatim percipiendos imperpetuum ad sustentacionem unius sacerdotis qui celebrabit in ecclesia beati Petri pro fidelibus in eternum Post decessum vero Johannis vel status mutacionem remanebit predictum servicium predictarum ovium cuicumque voluerit prefatus Johannes assignare usque in finem quatuor annorum sequencium salvis tamen triginta et duobus solidis qui remanebunt imperpetuum ad opus predicti sacerdotis elapsis vero quatuor annis remanebit firma predictaram ovium decano et capitulo Ebor[acensi] exceptis triginta et duobus solidis quos de predicta firma annuatim recipiet sacerdos qui celebrabit pro fidelibus in ecclesia beati Petri Ebor[acensis] Preterea jamdicti decanus et capitulum dederunt et concesserunt ut predictus sacerdos qui celebrabit in ecclesia beati Petri recipiat triginta et duos solidos annuatim per manum Alani de Cotum vel Stephani et heredum suorum vel per manum cujuscumque qui pro tempore tenebit villam de capitulo duobus terminis scilicet medietatem ad festum sancti Martini et aliam medietatem ad festum Pentecostes Et ne pravitas alicuius vel aliquorum inposterum possit malignari predicti decanus et capitulum sigillum capituli ad hec corroboranda apposuerunt et candelis accensis omnes illos excommunicaverunt qui jamdicto sacerdoti triginta et duos solidos subtraxerint Hiis testibus Simone decano Hamone thesaurario archidiacono[] Ebor[acensi] Willelmo archidiacono de Notingham magistro Lisiardo magistro Erardo magistro Johanne Romano magistro Gregorio Hugone capellano Benedicto clerico Beniamin clerico Simone pincerna Matheo Thoma Tyurun[] Gilberto et multis aliis