Charter Document - 02981771
| Charter Number: | 02981771 |
|---|---|
| Cartulary Title: | The Chartulary or Register of the Abbey of St. Werburgh, Chester |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1265 - 1291 |
| Date type: | Assigned |
| Resource Link(s): |
|
Charter:
Omnibus Christi fidelibus presens scriptum visuris uel audituris Henricus filius Ricardi Bonetable et Felicia vxor sua salutem in domino Noueritis nos vnanimi assensu et pari voluntate dedisse concessisse et hac presenti carta nostra confirmasse Deo et sancte Werburge Cestrie et domino S[ymoni] abbati et conuentui eiusdem loci vnam bouatam terre in Gorstre cum mesuagio et omnibus pertinenciis suis illam scilicet quam Symon filius Batecok de dicto Ricardo ad terminum quondam tenuit in eadem ac eciam quandam terram cum prato adiacente quam dictus Ricardus recepit in excambio quondam de Michaele de Gorstre pro quadam terra in eadem quas per cartam suam nobis dedit Habenda et tenenda eisdem abbati et conuentui eorumque successoribus et assignatis in perpetuum cum husbote et haybote in boscis de Gorstre capiendis et acquietancia pannagii omnium porcorum in dicto tenemento nutritorum et nutriendorum et cum omnibus asiamentis et libertatibus dictis terris infra villam et extra vbique pertinentibus Reddendo inde annuatim dicto Ricardo et heredibus suis vnum par albarum cyrothecarum in festo Natiuitatis beati Iohannis Baptiste pro omnibus seruiciis exaccionibus et demandis que de dictis terris aliquo modo poterunt exigi uel vendicari Pro hac autem donacione nostra predicti abbas et conuentus dederunt nobis sex marcas et dimidiam argenti per manibus Nos vero predicti Henricus et Felicia et heredes nostri dictis abbati [] predictas terras [] pro predictis sex marcis et dimidia ab eisdem receptis et cirothecis annuatim dicto Ricardo et heredibus suis soluendis contra omnes homines et feminas inperpetuum warantizabimus adquietabimus et defendemus In cuius rei testimonium presenti scripto sigilla nostra fecimus apponi Testibus magistro Iohanne de Stanleg tunc rectore ecclesie de Astbury Radulpho de Thighnes Henrico fratre eius Stephano de Derby Ada filio Iuliani Radulpho de Morton Galfrido de Lostok Ada de Lautona Ricardo de Craulache Henrico de eadem Th[oma] de Gorstre Rogero de Hole et aliis