Charter Document - 02981766
| Charter Number: | 02981766 |
|---|---|
| Cartulary Title: | The Chartulary or Register of the Abbey of St. Werburgh, Chester |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1190 - 1220 |
| Date type: | Assigned |
| Resource Link(s): |
|
Charter:
Sciant omnes presentes et futuri presentem cartam inspecturi et audituri quod ego Lydulfus de Twamelowe et ego Gilbertus de Twamelawe dedimus et concessimus et hac presenti carta nostra confirmauimus Rogero filio Radulfi Palmeri de Gostre pro homagio et seruicio suo totam dimidietatem tocius terre de Bernulisah cum omnibus pertinenciis que continetur infra has diuisas incipiendo scilicet ad tres quercus stantes inter capitale mesuagium predicti Rogeri et Wulfrici de Lache et sic descendendo doctum et sicut sepes et fossa circuit in longitudine et in latitudine usque ad predictas tres quercus et totam dimidietatem tocius terre que vocatur Bernulisah croft cum pertinenciis scilicet in duas partes quatuor landas et dimidiam in medio campo in longitudine et latitudine et superiorem partem predicti campi cum pertinenciis sicut sepes et fossa includit in longitudine et latitudine ex vna parte et vnum croftum cum pertinenciis quod vocatur Syddenale in longitudine et latitudine sicut sepis et fossa circuit et includunt et totam dimidietatem vnius campi cum pertinenciis quod vocatur Sercroft scilicet superiorem partem in longitudine et latitudine sicut sepis dictum campum includit Tenenda et habenda de nobis et heredibus nostris illi et heredibus suis uel suis assignatis in feodo et hereditate inperpetuum libere quiete bene et pacifice in bosco in plano in pratis in pascuis in viis in semitis in aquis in moscis et turbariis et marleris et in omnibus aliis locis aisiamentis et liberis communis vbique terre predicte et ville de Gostre pertinentibus et cum acquietancia de pannagio omnibus porcis eorum in omnibus bosci de Gostre et husbold et haybold in omnibus bosci de Gostre Reddendo inde annuatim nobis et heredibus nostris de illo et heredibus suis uel de suis assignatis duos solidos argenti ad duos terminos scilicet ad Natiuitatem sancti Iohannis Baptiste xii denarios et ad festum sancti Martini xii denarios pro omnibus seruitiis et de mandis secularibus vniuersis saluo forinseco seruicio Pro hac autem nostra donacione et concessione dedit nobis predictus Rogerus tres marcas et duas bacones de precio octo solidorum Et nos et heredes nostri totam terram predictam cum omnibus pertinenciis predicto Rogero et heredibus suis uel suis assignatis contra omnes homines et feminas warantizabimus inperpetuum Et vt hec carta nostra perpetue firmitatis robur semper optineat eam sigillorum nostrorum apposicione confirmauimus Hiis testibus Roberto capellano de Gostre Alexandro persona de Esteburi Ran[ulfo] fratre suo Ricardo clerico de Esteburi Willelmo domino de Somerford Petro de Suetenham Willelmo de Ermitage Iohanne filio Hugonis Dear fratre eius Simone clerico et multis aliis
Source (click image below to view full size)
