Charter Document - 02981565
| Charter Number: | 02981565 |
|---|---|
| Cartulary Title: | The Chartulary or Register of the Abbey of St. Werburgh, Chester |
| Charter Language: | Latin |
| Charter Origin: | Lay |
| Charter Type(s): | Licence |
| Date: | 1283 - 1288 |
| Date type: | Assigned |
| Resource Link(s): |
|
Charter:
Omnibus Christi fidelibus [] Willelmus filius et heres Roberti de Magebrooke salutem [] [Sciatis] me dedisse [] Deo et ecclesie Sancte Werburge Cestrensis et domino S[ymon] abbati et conventui eiusdem loci dominis ville de Chelford et eorum successoribus uel assignatis quibuscumque villam vel molendinum de Chelford de eis tenentibus licentiam meam et perpetuam libertatem fodiendi et asportandi turbas et capiendi brueram et terram ubicumque sibi melius viderunt expedire in toto vasto meo de Whythinton scilicet extra sepes camporum meorum arabilium ad sustentacionem et reparacionem predicti molendini sui de Chelford et stagni pro libitu suo quotiescumque volueri[n]t sine impedimento vel reclamacione mei vel heredum meorum seu quorumcumque assignat[orum] saluis tantum mihi et heredibus meis uel assignatis quadam viridi placea ante domum meam in Whythinton iacente et alijs approviamentis meis in eadem ita rationabiliter factis et faciendis quod nec ipsi abbas et conventus nec eorum successores vel assignati a predicta libertate et licencia presenti scripto eis concessis nec homines eorum de Chelford a liberis communis et aysiamentis predictis consuetis et rationabiliter usitatis minime impediantur In cuius rei testimonium presens carta mea inter me ex una parte et dictos abbatem et conventum ex altera est cyrografata et sigilla nostra alternatim eidem sunt appensa Testibus domino Reginaldo de Gray tunc iusticiario Cestrie dominis Petro de Ardena Ricardo de Sondbach militibus Roberto Grosso venatore tunc vicecomite Cestrie Thoma clerico tunc balliuo de Macclesfeld Willelmo Pigot Henrico de Byrchells Ricardo de Swettenham Rogero de Vernon Ricardo de Mottram Ricardo filio eius et multis alijs
Source (click image below to view full size)
