Charter Document - 02980893
| Charter Number: | 02980893 |
|---|---|
| Cartulary Title: | The Chartulary or Register of the Abbey of St. Werburgh, Chester |
| Charter Language: | Latin |
| Charter Origin: | Religious |
| Charter Type(s): | Final Concord |
| Date: | 1284 |
| Date type: | Internal, Feast, Regnal |
| Resource Link(s): |
|
Charter:
Hec est finalis concordia facta in pleno comitatu Cestrie die Decollationis sancti Johannis Baptiste anno regni regis Edwardi filii regis Henrici duodecimo coram domino Reginaldo de Grey tunc iusticiario Cestrie dominis Johanne de Grey Petro de Ardena Warino de Maingarin Johanne Boydell[] Ricardo de Stokport [] de Mascy Hugone de Pulford Rogero de Domvill[] militibus Roberto Grosso venatore tunc vicecomite Cestrie et aliis fidelibus domini regis tunc ibidem presentibus Inter Simonem abbatem sancte Werburge Cestrie petentem et Ranulphum filium et heredem Petri de Thornton defendentem faccionem refaccionem et sustentacionem pontis et calcete in alta via que ducit de Cestria usque Ines in loco qui vocatur Fulford[] unde placitum fuit inter eos in eodem comitatu scilicet quod predictus Ranulphus pro se et heredibus suis recognouit se et heredes suos ad faccionem refaccionem et sustentacionem dictorum pontis et calcete imperpetuum teneri Ita quod homines pedites et equites plaustra bige et omnia que transitu ibidem indigent libere et sine impedimento transire valeant et ipsum abbatem et successores suos pro faccione reparacione et sustentacione dictorum pontis et calcete quietos clamauit imperpetuum Pro hac autem recognicione idem abbas dedit predicto Ranulpho quinque marcas Et irrotulata est hec finalis concordia de consensu parcium in rotulo qui vocatur Domesday
Source (click image below to view full size)
