Charter Document - 02980770

Pateat omnibus quod cum abbas monasterii sancte Wereburge Cestrie et eiusdem loci conuentus capitales domini ville de Gorstre tres partes terre arabilis eiusdem ville cum omnibus pertinenciis in dominico suo tenuissent et Thomas filius Mychaelis de eadem quartam partem eiusdem per homagium et seruicium de eisdem teneret nemoribus vastis moris mariscis brueris vsque ad confeccionem presentis scripti inter eos pro indiuiso iacentibus anno gracie mcc octogesimo septimo et domini regis Edwardi quintodecimo in festo sancti Petri ad Vincula ita conuenit inter eosdem et vtrique parti placuit pro bono pacis quietis concordie et vtriusque status certitudine quod predictus Thomas et heredes sui pro quarta parte dictorum nemorum morarum mariscorum bruerarum et omnium vastorum ipsos contingente habeant et teneant separatim de dictis abbate [] eorumque successoribusque uel assignatis sibi et heredibus suis uel assignatis inperpetuum omnia nemora bruera moras mariscos mineras et vasta infra diuisas subscriptas contenta videlicet a diuisis de Wythinton[] incipiendo a le Longesthayecloch et sic ascendendo linealiter vsque ad chiminum quod dicitur Salteriswey et sic sequendo viam illam vsque ad diuisas ville de Twamlowe et sic descendendo per diuisas factas vsque ad sepem campi de Gorstre et sic sequendo et circuiendo hayam illius campi vsque ad alteram viam infra villam de Gorstre et sic sequendo viam illam inter capellam et domum dicti Thome vsque ad campum qui vocatur Bromicroft et sic a campo illo de Bromicroft vsque ad aluam in sicheto per metas et diuisas ibidem situatas et sic sequendo riuulum vsque ad metas de Wythinton[] ad includendum assartandum et omnimode commodum suum inde faciendum quod salua communa Rogeri de Bernulschawe et heredum suorum in eisdem de iure facere poterit Ita tamen quod idem Thomas et heredes sui ac assignati exclusi sint omnino virtute concordie et pacis presentis a potestate leuandi faciendi aut quoquo modo construendi inposterum per se uel per alios molendinum uel stagnum infra diuisas suas predictas super aqueductum que vocatur Blakedenebroc Si autem idem Thomas aut aliquis heredum suorum dictam terram aut aliquam porcionem ipsius vendere aut aliquo modo a liberis eorum alienare voluerint predicti abbas [] ipsam pro racionabili precio quod alii fideliter et sine fraude optulerint et dare voluerint pre ceteris habebunt Predicti vero abbas [] habebunt in suo separali totum residuum omnium nemorum [] dicte ville necnon et terram extra Brerehey cultam quam Robertus filius Rogeri de Bernulschawe tenuit cum stagnis et molendinis infra predictas diuisas suas factis et pro libitu suo faciendis pro tribus partibus ipsos contingentibus ad includendum frussandum assartandum et pro libitu suo approuiandum sine ullo impedimento uel contradiccione dicti Thome [] saluis eisdem Thome [] duabus insulis suis iuxta Rogeriswey iacentibus cum competenti chimino ad easdem et quarta parte vastorum iacencium infra sepes campi de Gorstre et tribus solidis et sex denariis pro sua porcione molendini et stagni de Gorstre annuatim percipiendis et libera multura bladi sui proprii in dicto molendino secundum tenorem scripti inter ipsos abbatem [] ex vna parte et Mychaelem patrem predicti Thome ex altera inde prius confecti Concesserunt autem iidem abbas [] eidem Thome et heredibus suis quamdam placeam cuiusdam alneti in Gorstre ex opposito domus dicti Thome crescentis saluo eis refulsu aque ductus et stagni eorundem pro porcione cuiusdam insule infra diuisas ipsorum abbatis [] iacente et ipsum Thomam prius contingente Concessit eciam vtraque pars quod neutri parti earum de cetero liceat alteri in separali parte alterius communicare sine alterius licencia speciali Et ad hec omnia et singula prescripta inter partes fideliter sine fraude et dolo obseruanda hiis scriptis ad modum cyrographi confectis et inperpetuum duraturis partes alternatim sigilla sua fecerunt apponi Testibus Dominis Reginaldo de Grey tunc iusticiario Cestrie Willelmo de Venablis Petro de Arden[] Radulpho de Vernon[] Hamone de Masci Warno de Maywaring[] Ricardo de Masci Patricio de Heselewell[] Rogero de Domuill[] militibus magistro Iohanne de Stanleg[] domino Rogero rectore ecclesie de Deneford[] Roberto Grosso Venatore vicecomite Cestres[] Alexandro de Bamuill[] Willelmo de Bonebur[] Willelmo de Meynwaring[] Ricardo de Lostok[] Ricardo de Crowelach[] Henrico de eadem Rogero de Bernulsch[] et aliis