Charter Document - 02980766
| Charter Number: | 02980766 |
|---|---|
| Cartulary Title: | The Chartulary or Register of the Abbey of St. Werburgh, Chester |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1291 - 1305 |
| Date type: | Assigned |
| Resource Link(s): |
|
Charter:
Nouerint vniuersi quod Rogerus de Bernesschawe dedit concessit et hac presenti carta sua confirmauit Thome abbati sancte Werburge Cestrie et eiusdem loci conuentui et eorum successoribus totam terram suam cum pertinenciis in Bernesschawe que est de feodo de Gostre quam quidem terram Lidulphus de Twomlowe et Gilbertus de eadem dederunt Rogero filio Radulphi le Palmer auo suo per metas et diuisas prout in carta de feoffamento eorum plenius continetur nichil sibi vel heredibus suis commoditatis dominii vel feodi in predictis tenementis nec in eorum pertinenciis retinendo Tenenda et habenda Deo et ecclesie sancte Werburge et monachis ibidem Deo seruientibus libere quiete bene et in pace inperpetuum in boscis planis pascuis pasturis viis semitis moris muscis mariscis turbariis vastis liberis communis et in omnibus aliis locis et cum omnibus libertatibus et aysiamentis prout in carta de feoffamento predictorum Radulphi et Gilberti continetur Pro hac autem donacione concessione predictus Thomas abbas Cestrie assensu et voluntate tocius capituli sui dedit et concessit predicto Rogero et heredibus suis nomine escambii pro predictis tenementis totam illam terram quam Iohannes Dedishay et Robertus filius predicti Rogeri quondam de predicto abbate tenuerunt in quodam loco qui vocatur Bystousnabbe et Rogereswey cum edificiis in predicta terra constructis cum duabus insulis quas Thomas filius Michaelis de Gostre quondam tenuit cum housbote et heybote ad vnum solum astrum per visum balliuorum predictorum abbatis et conuentus qui pro tempore fuerint et cum libero pannagio tempore pessone cum propriis porcis in bosco del Ewode cum communa pasture propriis animalibus suis et cum aysiamentis in bruera de Gostre et in Gostreschawe versus metas de Craunache prout homines dominici dicti abbatis communicant faciendo inde homagium et reddendo inde annuatim predictis abbati [] duos solidos argenti videlicet medietatem ad festum sancti Martini et aliam medietatem in festo sancti Johannis Baptiste Preterea idem abbas assensu tocius capituli sui concessit eidem Rogero ad terminum vite sue quod libere possit turbam in moscis de Gostre quantum sufficit ad aliud solum astrum pro voluntate sua capere fodiendo et predictus Rogerus et heredes sui et predicti abbas [] predicta tenementa alternatim warantizabunt acquietabunt et contra omnes homines inperpetuum defendent In cuius rei testimonium utraque pars sigilla sua huic scripto in modum cyrographi indentato vna cum sigillo conuentus apposuerunt Hiis testibus dominis Hamone de Mascy Ricardo de Mascy militibus Willelmo de Meynwaring Ricardo de Lostok Iohanne de Holt Rogero de Daneport Thoma filio eius et aliis
Source (click image below to view full size)
