Charter Document - 02980740
| Charter Number: | 02980740 |
|---|---|
| Cartulary Title: | The Chartulary or Register of the Abbey of St. Werburgh, Chester |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1270 - 1271 |
| Date type: | Assigned |
| Resource Link(s): |
|
Charter:
Omnibus Christi fidelibus presens scriptum visuris uel audituris Robertus de Croxton[] salutem in domino Sciatis me pro salute anime mee et antecessorum meorum dedisse concessisse et hac presenti carta mea confirmasse Deo et ecclesie sancte Werburge Cestrie et capitalibus dominis meis s[ymoni] abbati et conuentui eiusdem loci totam terram meam in Craulach[] que vocatur Staniandes tam cultam quam incultam cum bosco in eadem crescente exceptis quatuor sellionibus iacentibus propinquioribus ville de Craulach[] Dedi eciam eisdem vnam sellionem iacentem in Serlecroft cum duabus domibus in eadem edificatis habend et tenend dictis abbati et conuentui eorumque successoribus uel assignatis in liberam puram et perpetuam elemosynam cum omnibus pertinenciis in terra arrabili et non arrabili in bosco et plano in pratis et pascuis pasturis viis et semitis cum libero introitu et exitu et omnibus libertatibus asiamentis liberis communis et approuiamentis dicte terre infra villam et extra vbique pertinentibus Dedi insuper et concessi eisdem abbati et conuentui eorumque successoribus uel assignatis totum ius meum et clamium quod habui vel aliquo iure habere potui in tota minera de Ruddheth infra meras de Craulach[] ita integre sicut Warinus frater meus illam mihi dedit cum omnibus commoditatibus et incrementis que mihi aut heredibus meis inde poterunt acrescere sine ullo retenemento Ita libere et quiete sicut aliqua elemosyna liberius aut quietius dari poterit uel concedi Et ego predictus Robertus et heredes mei totam predictam terram cum dicta minera et omnibus pertinenciis libertatibus et asyamentis ad predictam terram et mineram vbique spectantibus et omnibus approuiamentis que mihi aut heredibus meis aliquo modo euenire uel acrescere possent prefatis abbati [] contra omnes homines et feminas imperpetuum warantizabimus et sicut liberam elemosynam nostram adquietabimus et defendemus In cuius rei testimonium presenti scripto sigillum meum apposui Hiis testibus dominis Reginaldo de Grey tunc iusticiario Cestrie Ricardo de Wilburh[am] tunc vicecomite Cestrisir[] Roberto de Huxel[ey] Ricardo de Orreby Iohanne de Wetenh[ale] Ricardo Bonetable Ricardo de Craulach[] Henrico de Craulach[] Thoma de Gorstre Rogero de Bernuls[haw] et aliis
Source (click image below to view full size)
