Charter Document - 02980564
| Charter Number: | 02980564 |
|---|---|
| Cartulary Title: | The Chartulary or Register of the Abbey of St. Werburgh, Chester |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1271 - 1274 |
| Date type: | Assigned |
| Resource Link(s): |
|
Charter:
Omnibus Christi fidelibus presens scriptum visuris uel audituris Willelmus filius Roberti Pigot salutem in Domino sempiternam Nouerit vniuersitas vestra me pro salute anime mee et antecessorum et successorum meorum concessisse confirmasse et presenti carta mea pro me et heredibus meis inperpetuum quiete clamasse Deo et ecclesie beate Werburge Cestrie et domino Symoni abbati et conuentui eiusdem loci eorumque successoribus uel assignatis totam villam de Chelleford cum molendino et cum dominio et reditibus de Asthull et cum omnibus aliis pertinenciis infra dictas villas et extra Habendam et tenendam de me et heredibus meis dictis abbati [] adeo libere et quiete plene pacifice et integre sicut carta quam Robertus Pigot pater meus Roberto filio Iordani de Worth inde fecit plenius testatur que dictos abbatem et conuentum de dicta villa de Chelleford cum pertinenciis feofauit saluis mihi et heredibus meis dominio et homagio de Wythintona Reddendo inde annuatim mihi [] vnum par calcarium alborum et vnam sagittam barbatam et soluendo pro me [] tamquam attornati nostri heredibus domini Hugonis Dispensatoris tres solidos et heredibus domini Hugonis de Wauertona quatuor solidos argenti in festo Omnium Sanctorum de illis septem solidis quos mihi et heredibus meis de predictis villis reddere tenebantur pro omni seruicio seculari consuetudine exaccione et demanda saluo forinseco [seruicio] domino Cestresir debito sicut in predicta carta patris mei plenius continetur Remisi eciam dictis dominis abbati [] et hac presenti carta mea pro me [] inperpetuum quiete clamaui homagium quod prefatus Robertus filius Iordani de Worth et heredes sui uel sui assignati de predictis villis Chelleford et Asthull mihi [] facere deberent vna cum wardis releuiis escaetis et omnibus aliis commoditatibus et approuiamentis qui mihi vel [] aliquo casu contingente de dictis terris accidere uel accrescere possent Et ego [] Testibus Dominis Reginaldo de Grey tunc iusticiario Cestrie Thoma de Meyngarin Petro de Ardena Roberto de Stokeport Hugone de Hattona tunc vicecomite Cestresir Roberto de Hux[leg] tunc constabulario castri Cestrie Iohanne de Wetenhale Ricardo de Orreby Rogero de Daueneport Henrico de Birchel Iohanne fratre eius Rogero de Vernona Willelmo de Baggeleg Ricardo de Craulache Ricardo Bonetable Thoma de Gorstre Rogero de Bernulf[shawe] Willelmo de Wythintona et aliis
Source (click image below to view full size)
