Charter Document - 02979043
| Charter Number: | 02979043 |
|---|---|
| Cartulary Title: | The Cartulary of Oseney Abbey |
| Charter Language: | Latin |
| Charter Origin: | Religious |
| Charter Type(s): | Decree |
| Date: | 1209 - 1258 |
| Date type: | Assigned |
| Resource Link(s): |
|
Charter:
In omnibus ecclesiis quas abbas et canonici Oseneye tenent in propriis usibus tam in archidiaconatu Oxonie quam in aliis archidiaconatibus Lincolniensis dioecesis ubi uicarie non fuerunt prius ordinate per episcopum de consensu ipsorum per dominum Lincolniensem episcopum H secundum auctoritate concilii prouisum est in hunc modum Vicarius per abbatem et conuentum Oseneye presentandus et instituendus ab episcopo habebit nomine perpetue uicarie sue ad uestitum suum duas marcas per annum habebit eciam secundum legatum ad ualenciam vi denariorum et quod ultra vi denarios fuerit inter ipsum et canonicos dimidi abitur Habebit eciam de oblacionibus ad altare prouenientibus unum denarium missalem quocies celebrauerit et den[arius] prouenerit et quicquid ex deuocione fidelium racionabiliter fuerit collatum Item habebit sufficientem exhibitionem sicut canonicus quoad uictualia in mensa canonicorum ubi canonici moram faciunt Canonici uero clericum ydoneum ei et ecclesie ministerio et eius obsequio deuotum inuenient qui iuramentum fidelitatis et deuocionis ipsi uicario prestabit salua fide dictorum canonicorum qui eciam ipsi uicario similiter garcionem inuenient ipsius obsequio deputatum quos in omnibus suis expensis procurabunt Ubi autem non fuerint canonici residentes clericus qui ut supra dictum est expensis eorum procurabitur clauem eorum deferet in domo eorum et curam habebit liberam ut per ipsum uicario sufficienter in uictualibus et honorifice necessaria ministrentur Canonici eciam eidem uicario equum inuenient quociens pro negociis eorum et ecclesie fuerit profecturus tam ad capitula quam ad alia Necnon et omnia onera singularum ecclesiarum sustinebunt
Source (click image below to view full size)
