Charter Document - 02976967

Sciant [] quod ego Robertus de Gay [tradidi ad firmam] abbati et conuentui de Oseneya totum dominium [meum de Hantone] cum capitali curia cum gardino et columbario uidelicet septuaginta et iiii acras de terra arabili in uno campo quarum xviii iacent in [] forlang et vi acre [] sub curia et xv acre in Tunfurlong et xx acre super []hulle et xv acre in Berefurlang et Laden acra et tres foreres unam scilicet ad capud de Hyethulle aliam ad capud de Berefurlong terciam la Grant forere in alio uero campo xviii acras scilicet ix acras in Smalefurlong et les buttes pro ix acris et totum pratum meum in eadem uilla scilicet insulam Petham et Hulmede et pratum ad caput crofte Tradidi etiam et liberaui predictis canonicis totum seruitium liberorum hominum meorum in eadem uilla et extra et eorum firmam cum iiii solidis quos Ph[ilippus] de Gay debet michi annuatim pro una hida terre et dimidia quam tenet de me in Nortbroc et seruitium monachorum de Otteleia scilicet quartam partem unius militis quando scutagium currit et seruagium et seruitium rusticorum meorum cum eorum firma et quicquid in eadem uilla habui uel habere potui tenend et habend libere et quiete integre et pacifice cum omnibus eisiamentis et libertatibus in pratis et pascuis in campis et aquis in uiis et semitis et in omnibus aliis rebus usque ad terminum xv annorum qui inceperunt ad festum sancte Marie in Martio anno tercio regis Henrici filii regis Iohannis Finito uero termino predictorum xv annorum predicta terra redibit in manum meam uel heredum meorum sine ulla contradictione uel reclamatione predictorum canonicorum Si uero contigerit quod dominus rex siue aliquis alius exactionem uel demandam uel debitum aliquod exigat a me et terra predictorum canonicorum seisietur uel catalla sua uel hominum suorum capiantur pro me uel pro debito meo in namium ego predictos canonicos contra omnes homines acquietabo et omnem custu[m] et dampnum quod ipsi uel homines sui incurrerint occasione mei ego sufficienter restituam per uisum legalium uirorum Predicti uero canonici suscipiunt a me unam aulam et unam cameram et unum solarium et unum cellarium que ipsi de custu meo secundum quod prouidero sustentabunt et reemendabunt usque ad predictum terminum Ego autem R le Gait promisi in capitulo de Oseneya coram conuentu et tactis sacrosanctis iuraui me hec omnia predicta fi[rmiter] et sine dolo obseruaturum Pro hac autem traditione et liberatione predicti canonici concesserunt michi et M uxori mee et duobus seruientibus nostris rationabile estuuerium nostrum in cibo et potu secundum uisum eorum et xxx solidos ad uestitum singulis annis usque ad terminum predictorum xv annorum sicut carta predictorum canonicorum quam super hoc habeo testatur quamdiu eis predictam traditionem et liberationem warantizare potero Et siquid forte predictis canonicis defuerit de predicto hominum meorum redditu quem eis assignaui ego illud computabo i[n illis] xxx solidis quos ab eis annuatim percipere debeo In cuius [] hiis testibus Radulfo Harang Radulfo filio Galfridi