Charter Document - 02971089
| Charter Number: | 02971089 |
|---|---|
| Cartulary Title: | The Cartulary of Oseney Abbey |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1170 - 1180 |
| Date type: | Assigned |
| Resource Link(s): |
Bodleian Library Charters - MS. Ch. Kent. 228 |
Charter:
Notum sit omnibus hominibus tam futuris quam presentibus quod ego Ricardus Kenteis dedi et hac presenti carta confirmaui Willelmo filio Agnetis pro seruicio et homagio suo duas uirgatas terre in Wittenass in feudo et hereditate integre cum omnibus pertinentiis suis scilicet illam quam Margareta tenuit et illam quam Balduinus tenuit tenendas de me et de heredibus meis reddendo michi uel meis annuatim uiginti solidos duobus terminis [] pro omni seruicio michi uel meis pertinente faciendo inde libere heredem suum de quocumque uoluerit Quare uolo et firmiter statuo ut predictus Willelmus et ille de quo uoluerit heredem suum constituere habeant et teneant predictas duas uirgatas terre cum omnibus adiacentiis suis hereditarie quiete et libere ab omni seculari exactione michi uel meis pertinente per seruicium predictorum uiginti solidorum Pro hac uero donatione et concessione dedit michi predictus Willelmus duas marcas argenti Hiis testibus Iordano decano Willelmo dapifero Willelmo de sancto Petro Eustachio et Petro presbiteris magistro Richerio Radulfo Basset Willelmo de fracta ualle Hereberto de Putot Petro Seneschallo Ricardo et Henrico filiis Ricardi Kenteis et multis aliis
Source (click image below to view full size)
