Charter Document - 02971041
| Charter Number: | 02971041 |
|---|---|
| Cartulary Title: | The Cartulary of Oseney Abbey |
| Charter Language: | Latin |
| Charter Origin: | Religious |
| Charter Type(s): | Permission |
| Date: | 1273 |
| Date type: | Internal, A.D., Calendar |
| Resource Link(s): |
|
Charter:
Uniuersis sancte matris ecclesie filiis ad quos presens scriptum peruenerit frater W miseracione diuina abbas Oseneye salutem in domino sempiternam Uestra nouerit uniuersitas quod cum frater A de B canonicus Oseneye lator presencium in domo nostra habitum religionis suscepisset et solempni facta professione per plures annos sub habitu religionis ibidem conuersatus fuisset tandem animi sui proposito in melius mutato cum instancia pluribusque precibus interuenientibus nobis humiliter supplicauit et deuote ut ipsum absolutum ab obedientia quam nobis fecerat et successoribus nostris et a monasterii nostri seruicio cui se uouerat cum litteris dimissoriis libere permitteremus ad arciorem transire religionem Nos uero saluti anime prefati fratris prospicere cupientes petita licentia quam sepius et optenta ipsi ad altiora tendenti per has litteras dimissorias de consensu fratrum nostrorum quantum in nobis est ad artiorem transeundi religionem liberam in domino concedimus facultatem ipsum ab obedientia qua nobis et successoribus nostris tenebatur astrictus et a seruicio monasterii nostri penitus absoluentes Datum apud Oseneyam viii kal Decembris anno domini mcclxxiii
Source (click image below to view full size)
Markups
Names Markup:
Uniuersis sancte matris ecclesie filiis ad quos presens scriptum peruenerit frater W miseracione diuina abbas Oseneye salutem in domino sempiternam Uestra nouerit uniuersitas quod cum frater A de B canonicus Oseneye lator presencium in domo nostra habitum religionis suscepisset et solempni facta professione per plures annos sub habitu religionis ibidem conuersatus fuisset tandem animi sui proposito in melius mutato cum instancia pluribusque precibus interuenientibus nobis humiliter supplicauit et deuote ut ipsum absolutum ab obedientia quam nobis fecerat et successoribus nostris et a monasterii nostri seruicio cui se uouerat cum litteris dimissoriis libere permitteremus ad arciorem transire religionem Nos uero saluti anime prefati fratris prospicere cupientes petita licentia quam sepius et optenta ipsi ad altiora tendenti per has litteras dimissorias de consensu fratrum nostrorum quantum in nobis est ad artiorem transeundi religionem liberam in domino concedimus facultatem ipsum ab obedientia qua nobis et successoribus nostris tenebatur astrictus et a seruicio monasterii nostri penitus absoluentes Datum apud Oseneyamlocation viii kal Decembris anno domini mcclxxiiidate