Charter Document - 02971010
| Charter Number: | 02971010 |
|---|---|
| Cartulary Title: | The Cartulary of Oseney Abbey |
| Charter Language: | Latin |
| Charter Origin: | Religious |
| Charter Type(s): | Agreement, Settlement |
| Date: | 1190 |
| Date type: | Internal, A.D. |
| Resource Link(s): |
|
Charter:
Sciant omnes ad quos presens scriptum peruenerit controuersiam que inter abbatem et canonicos de Oseneya et abbatem et monachos de Alneto super decimis et parrochianis de feodo Stephani Gaiti in Nortbroc uertebatur hac amicabili composicione quieuisse siquidem abbas et canonici de Oseneya in perpetuum percipient omnes decimaciones garbarum de terris que fuerunt in dominio predicti feodi tempore huius composicionis facte quicumque eas excoluerit liberas et quietas ab omni exactione monachorum sicut eas predicti monachi percipere consueuerunt exceptis duabus acris bladi quas monachi de predicto dominio in autumpno percipere solent et integre percipient ita etiam quod si monachi prefati de dominio eodem partem aliquam aliquando excoluerint nichilominus inde canonici decimas garbarum percipient Abbas uero et monachi Alnet percipient in perpetuum omnes residuas decimas et obuenciones de toto feodo illo tam de dominio quam de uilenagio quicumque illud excoluerit liberas et quietas ab omni exactione canonicorum et parrochianos ipsos quibus et spiritualia ministrare debent in perpetuum possidebunt Facta est hec composicio anno ab incarnacione domini mcxc mense Iulio in presencia uirorum uenerabilium A de Messendene et E de Dorkecestria abbatum et magistri Nicholai de Leucanor quibus dominus papa Clemens tercius causam ipsam fine debito et appellacione remota terminandam commiserat Et ad maiorem eiusdem composicionis firmitatem presentis scripti serie et sigilli utriusque capituli munimine est roborata
Source (click image below to view full size)
Markups
Names Markup:
Sciant omnes ad quos presens scriptum peruenerit controuersiam que inter abbatem et canonicos de Oseneya et abbatem et monachos de Alneto super decimis et parrochianis de feodo Stephani Gaiti in Nortbroc uertebatur hac amicabili composicione quieuisse siquidem abbas et canonici de Oseneya in perpetuum percipient omnes decimaciones garbarum de terris que fuerunt in dominio predicti feodi tempore huius composicionis facte quicumque eas excoluerit liberas et quietas ab omni exactione monachorum sicut eas predicti monachi percipere consueuerunt exceptis duabus acris bladi quas monachi de predicto dominio in autumpno percipere solent et integre percipient ita etiam quod si monachi prefati de dominio eodem partem aliquam aliquando excoluerint nichilominus inde canonici decimas garbarum percipient Abbas uero et monachi Alnet percipient in perpetuum omnes residuas decimas et obuenciones de toto feodo illo tam de dominio quam de uilenagio quicumque illud excoluerit liberas et quietas ab omni exactione canonicorum et parrochianos ipsos quibus et spiritualia ministrare debent in perpetuum possidebunt Facta est hec composicio anno ab incarnacione domini mcxc mense Iuliodate in presencia uirorum uenerabilium A de Messendene et E de Dorkecestria abbatum et magistri Nicholai de Leucanor quibus dominus papa Clemens tercius causam ipsam fine debito et appellacione remota terminandam commiserat Et ad maiorem eiusdem composicionis firmitatem presentis scripti serie et sigilli utriusque capituli munimine est roborata