Charter Document - 02970984

Sciant [] quod ego Willelmus de Hamptone filius Stephani de Hamptone pro salute mea et meorum dedi [] deo et ecclesie sancte Marie Osen[eye] [] in liberam puram et perpetuam elemosinam totum molendinum meum de Hamptone cum pertinenciis cum tota aqua mea et piscaria desuper idem molendinum usque Pittenee et cum tota aqua mea et piscaria desubtus idem molendinum quantum crofta quam Stephanus le Blei tenuit se extendit et cum coteria eiusdem Stephani et cum tota crofta cum pertinenciis ad eandem coteriam pertinente et cum tota terra que est inter illam coteriam et illud molendinum et cum tota placia illa que est inter fossatum curie mee et aquam de Charewelle et cum toto fossato illo usque ad grangiam meam et quicquid habui inter Charewelle et le Eldehe tam in prato quam in quibuscumque rebus aliis et cum secta dicti molendini tam de curia mea quam de tota uilla mea de Hamptone tenend et habend in perpetuum in liberam puram et perpetuam elemosinam libere et quiete pacifice et honorifice et integre cum omnibus pertinenciis libertatibus et liberis consuetudinibus et quicquid habui uel habere potui in predictis sine ullo retinemento michi uel heredibus meis in uiis et semitis pratis et pascuis et communis et esiamentis et omnibus aliis rebus et locis sicut aliqua elemosina liberius et melius potest dari uel teneri nec licebit michi uel heredibus meis facere uel erigere aliquod molendinum nec in aqua nec ad uentum nec cheualeraz nec quodcumque aliud molendinum nec aliquid aliud quod sit ad nocumentum uel detrimentum dicti molendini nec in aqua iuxta idem molendinum piscari nisi solum in aqua subtus idem molendinum Concessi etiam dictis canonicis quod omnes extranei ad idem molendinum uenientes habeant liberum introitum et exitum ad idem molendinum per terram meam sine impedimento uel nocumento mei uel meorum et licebit dictis canonicis tam de wara molendini quam de predictis molendino terra et aqua et prato quecumque sibi uiderint profutura facere siue duo molendina erigere sine ulla contradiccione mea uel heredum meorum Preterea dedi et concessi dictis canonicis pro salute mea et meorum in liberam et perpetuam elemosinam unam uirgatam terre in eadem uilla de Hamptone cum prato et pascuis et omnibus aliis pertinenciis sine mesuagio scilicet illam uirgatam terre quam Robertus filius Turoldi tenuit et loco mesuagii duas acras terre arabilis quas Stephanus le Blei tenuit unam in uno campo et aliam in altero tenend et habend dictis canonicis imperpetuum cum omnibus libertatibus et liberis consuetudinibus faciendo inde regale seruicium quantum pertinet ad unam uirgatam terre pro omni seruicio exactione et demanda que ad me uel heredes meos pertinent uel pertinere poterunt Et ego [] Si uero dicti canonici dampnum uel iacturam incurrerint pro defectu warantizacionis uel acquietacionis mei uel heredum meorum ego et heredes mei satisfaciemus eis per uisum legalium hominum sufficienter tam de dampno quam de iactura Pro hac autem concessione warantizacione et acquietancia dederunt michi dicti canonici lx et decem marcas argenti ad acquietandum me de debit[is] Iudeorum scilicet Dauid de Oxonia Iudei et Abree filii Chere de Wintonia unde idem canonici habent eorum starra de quietaclamacione Preterea dederunt michi unam loricam et unum palefridum precii xl solidorum et Alicie uxori mee unam marcam argenti et Stephano filio meo primogenito unum bisencium Et ut [] hiis testibus Henrico de Oilli Ricardo Mace tunc [vicecomite] Gentesch Paupere Willelmo de Herovile [] Guidone filio Roberti Simone filio Simonis [] de Cherleton Thoma filio Eduini [tunc maiore] Oxonie Henrico de Amberleg And [] Purcell Petro de Tackele et aliis