Charter Document - 02970968

Sciant [] quod ego Robertus de Gay assensu et uoluntate Matildis La Pouere uxoris mee et Philippi et Roberti filiorum meorum dedi [] deo et ecclesie sancte Marie de Osen[eya] [] totum manerium meum de Henptone Gay cum capitali curia et cum omnibus pertinenciis suis in uilla cum dominiis et uilenagiis in seruiciis redditibus homagiis et rusticis et eorum sectis in pratis et pascuis uiis et semitis molendinis et stangnis aquis et piscariis et in omnibus aliis rebus locis et libertatibus et liberis consuetudinibus ad idem manerium pertinentibus et quicquid in eodem manerio habui uel habere potui sine ullo retinemento tenend et habend de me et heredibus meis inperpetuum in liberam et perpetuam elemosinam libere et quiete integre et pacifice reddendo inde michi et heredibus meis annuatim una calcaria deaurata uel sex denarios ad festum sancti Michaelis pro omni seculari seruicio exactione et demanda ad me uel heredes meos pertinente saluo seruicio feodi dimidii militis [Willelmo de Champhernulf et heredibus eius faciendo et saluo seruicio feodi dimidii militis] heredibus Thome de sancto Walerico faciendo que seruicia dicti canonici facient Ego uero Robertus [] Et ne ego Robertus uel aliquis heredum uel successorum meorum possimus in posterum aliquo modo dicte donacioni [] contraire ad maiorem securitatem predictorum ego ipse Robertus et Philippus primogenitus et Robertus postgenitus filii mei ad eam firmiter et fideliter obseruandam spontanea uoluntate nostra in capitulo Oseneye sacramento [nos] astrinximus Et insuper ego Robertus [] Hiis testibus Radulfo Harang Uiuiano filio Radulfi tunc uicecomite Oxon Radulfo Hareng iuniore Willelmo filio Helie Ricardo Folioth Gileberto de Finemere Ricardo de Parco Gileberto de Hida Fulcone de Ruicote Willelmo de Greinuille Iohanne de Wottone Iohanne filio presbiteri de []ton Gileberto Rufo Henrico Purcelle Roberto portario Oseneye et multis aliis