Charter Document - 02970967
| Charter Number: | 02970967 |
|---|---|
| Cartulary Title: | The Cartulary of Oseney Abbey |
| Charter Language: | Latin |
| Charter Origin: | Religious |
| Charter Type(s): | Court Record |
| Date: | 1290 |
| Date type: | Internal, Feast, Regnal |
| Resource Link(s): |
|
Charter:
Iohanna de Campo Ernulphy summonita fuit ad respondendum abbati Oseneye de placito quod acquietet ipsum de seruicio quod Gilbertus de Clare comes Gloucestrie et Hertfordie ab eo exigit de libero tenemento suo quod de predicta Iohanna tenet in Hamptone Gay unde eadem Iohanna que media est inter eos ipsum acquietare debet [] et unde queritur quod cum ipse teneat de prefata Iohanna unum mesuagium et duas carucatas terre cum pertinenciis in Hamptone Gay in comitatu Oxon per seruicium quarte partis feody unius militis scilicet ad scutagium quadraginta solidorum cum accidit uiginti solidos et ad plus plus et ad minus minus pro omni seruicio et predicta Iohanna debeat prefatum abbatem per predictum seruicium quousque acquietare prefatus comes distringit ipsum abbatem pro homagio fidelitate et releuio et pro seruicio dimidii feodi militis pro defectu acquietancie ipsius Iohanne unde dicit quod deterioratus est et dampnum habet ad ualenciam uiginti librarum et producit inde sectam Et Iohanna per attornatum suum uenit et defendit uim et iniuriam quando [] et inde cognouit quod debet predictum abbatem per predictum seruicium uersus prefatum comitem acquietare set dicit quod predictus abbas pro defectu acquietancie ipsius Iohanne non distringitur et de hoc ponit se super patriam et abbas similiter In Octabis sancte Trinitatis Placita apud Westmonasterium coram Iohanne de Metingham et sociis suis iusticiariis domini regis de Banco a die sancti Hillarii in Octabis anno regni regis Edwardi filii regis Henrici octauo decimo Metyngham
Source (click image below to view full size)
