Charter Document - 02969578

Ricardus dei gratia episcopus et Laurentius prior Conuentrensis omnibus ad quos iste littere peruenerint salutem in domino Controuersia que inter ecclesiam Lichesfeldensem et ecclesiam Oseneye uertebatur super ecclesia de Senestan nobis a summo pontifice delegata in hunc modum est amicabiliter terminata et auctoritate qua fungimur confirmata quod uidelicet canonici de Oseneya soluent annuatim ecclesie de Lichesfeld nomine canonis de ecclesia Senestan vii solidos ad duos terminos medietatem infra oct[auas] sancti Michaelis et medietatem infra octauas Pasche quamdiu Radulphus de Tamewrda et clericus qui post ipsum substitutus fuerit ecclesiam ipsam de Senestan de canonicis de Oseneya tenebunt Postquam uero ille qui post Radulphum tenebit eandem ecclesiam de Senestan possidere desierit canonici supradicti soluent nomine canonis annuatim ecclesie Lichesfeldensi x solidos ad prefinitos terminos Ecclesia uero Lichesfeldensis assensu nostro et tocius capituli suscepit ecclesiam de Senestan in specialem filiam ita quidem ut sepe dicta ecclesia de Senestan gaudeat omni libertate et immunitate qua gaudent ecclesie siue capelle que sunt de corpore ipsius Lichesfeldensis ecclesie Clerici uero qui in ecclesia de Senestan nomine canonicorum ministrabunt fidelitatem prestabunt decano et capitulo Lichesfeldensis ecclesie quod nichil machinabuntur in preiudicium prescripte transaccionis Huius autem com positionis testes sunt hii Rogerus archidiaconus de Salopesburi Robertus Prior de Kinildewrd Willelmus Duredent magister Terricus Nigellus capellanus Ricardus de Dalham canonici Willelmus decanus de Tatenhul Iohannes clericus de Terdebig Gilebertus Pon camerarius Walterus camerarius Ricardus de Bush Henricus et Rogerus armigeri Humfridus filius Roberti et multi alii