Charter Document - 02969571
| Charter Number: | 02969571 |
|---|---|
| Cartulary Title: | The Cartulary of Oseney Abbey |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1216 |
| Date type: | Internal, Calendar, Papal |
| Resource Link(s): |
|
Charter:
Honorius episcopus seruus seruorum dei dilectis filiis abbati de Thame et de Eynesham et de Berencestria prioribus Lincolniensis dioecesis salutem et apostolicam benedictionem Dilecti filii abbas et conuentus Oseneye nobis conquerendo monstrarunt quod abbas et conuentus de Pratellis et quidam alii Lincolniensis Saresburiensis et Wygorniensis dioeces[ium] super quibusdam decimis terris et rebus aliis iniuriantur eisdem ideoque discretioni vestre per apostolica scripta mandamus quatinus partibus conuocatis audiatis causam et appellatione remota fine debito terminetis facientes quod decreueritis per censuram ecclesiasticam firmiter obseruari Testes autem qui fuerint nominati si se gracia odio uel timore subtraxerint per districtionem eandem remota appellatione cogatis ueritati testimonium perhibere Quod si non omnes hiis exequendis potueritis interesse duo uestrum nihilominus exequantur Datum Perusii v Kalendas Augusti Pontificatus nostri anno primo
Source (click image below to view full size)
