Charter Document - 02963512

Bartolomeus dei gratia dictus episcopus Exoniensis omnibus fidelibus ad quos presentes littere peruenerint salutem Causam que uertebatur inter ecclesiam Wigorniensem et ecclesiam de Oseneia super ecclesia de Begeberia nobis delegauit dominus papa cognoscendam et iudicio uel concordia terminandam Cum uero in nostra presentia partes instructe comparerent tandem de consilio nostro et sapientum qui aderant et quia dominus papa potius ad compositionem [quam] ad iudicium ex litterarum suarum indicio [inclinare v]idebatur uenerabilis frater noster Rogerus Wigorniensis episcopus et Radulphus prior et monachi Wigorni[ensis ecclesie] qui nomine conuentus sui aderant et item Edwardus abbas et Hardingus prior et canonici qui nomine ecclesie Oseneye uenerant in arbitros compromiserunt sub attestatione ueritatis se eorum subiciendos arbitrio Arbitri uero tam pro bono pacis [quam de] uoluntate domini pape decreuerunt [quod ecclesia] Oseneiensis memoratam ecclesiam de Begaberia cum capellis et omnibus pertinentiis [suis] et libertatibus et libera administratione et [omni] integritate tam uicarie quam aliarum [rerum] ad ipsam pertinentium saluo in omnibus [iure] dioecesani episcopi possideat [persolvet ex] causa compositionis annuatim [Wigorniensi] ecclesie lx solidos nomine canonis duobus terminis in festo sancti Michaelis siue infra octo dies xxx solidos in pascha sive infra viii dies pasche xxx solidos et eos priori et monachis Wigorniensibus ad predictos terminos mittet Preterea Wigorniensis episcopus canonicum quendam ad minus xx annorum nec publica infamia laborantem qui competenter regulam et conventum sequi possit in ecclesia Oseneie ponet qui pro Wigorniensi ecclesia et pro episcopo deo prestet obsequium et obeunte canonico illo episcopus qui pro tempore fuerit alium sub forma prescripta sub rogabit ita tamen sequens episcopus canonicum ibi ponet si positus a predecessore suo mortuus fuerit Que ut sine fraude intelligantur hoc intellectu sint interpretanda ut ecclesia de Oseneia duos simul predicta de causa positos non habeat canonicos Conventus etiam Oseneie universi scilicet et singuli pro episcopo Wigorniensi tale suffragium orationum facient in vita et in morte quale fit pro fundatoribus et abbatibus suis Audito autem arbitrio partes utrimque ut spoponderant adquieuerunt et debet hec compositio ex compromisso tam prefati episcopi Wigorniensis quam utriusque ecclesie scripto et sigillo uicissim roborari Et ut ratum inconcussumque permaneat sigilli nostri impressione roborauimus his testibus Hamelino Gloecestrie A de Euesham Iohanne de Messend[en] Willelmo de Lilleshell abbatibus Roberto de Kenildewrthe Reim[undo] de Selford prioribus Roberto de Oxeneforde R de [Sur]reia Simone Wigorn archidiaconis Iohanne decano Cicestrie Iohanne thesaurario Exon Willelmo decano de Lichesfeld I cancellario Cicestr magistro Moise magistro Siluestro Roberto monacho magistro Roberto de Anc magistro Rogero et Turstino canonicis Exon Osberto canonico de Kini[ld]wrd Philippo canonico de Derbi magistro Roberto de Gildeford Nicholao presbitero de Auint Iohanne de Lilleshell Aschet de Messenden canonicis Hec autem compositio facta est in capitulo Saresb coram multis et magnis et prudentibus viris anno incarnationis domini MCLXXIII