Charter Document - 02961575
| Charter Number: | 02961575 |
|---|---|
| Cartulary Title: | The Cartulary of Oseney Abbey |
| Charter Language: | Latin |
| Charter Origin: | Religious |
| Charter Type(s): | Testimony |
| Date: | 1198 - 1205 |
| Date type: | Assigned |
| Resource Link(s): |
|
Charter:
G[aufridus] dei gracia Couentrensis ecclesie minister humilis uenerabilibus et karissimis in Cristo amicis domino S[ymone] de Pateshulle et aliis domini regis iusticiis salutem in domino Quoniam litteras domini regis prohibitorias suscepimus ne ad ecclesiam de Senestane uacantem aliquem admittamus donec in curia domini regis discussum fuerit ad quem eiusdem ecclesie pertineat aduocatio discretioni uestre de qua confidimus pro certo significamus dilectos amicos nostros Abbatem et conuentum de Oseneya personatum illius ecclesie a diebus bone memorie Hugonis predecessoris nostri obtinuisse et eundem episcopum memoratam ecclesiam prefatis canonicis concessisse et carta sua quam inspeximus confirmasse Nos autem predictam ecclesiam auctoritate a domino nobis commissa supradictis canonicis confirmauimus sicut eam ex concessione predecessoris nostri iuste fuerant consecuti Et hoc vobis [signifi]camus ne eam uacare credatis Ualete in domino
Source (click image below to view full size)
