Charter Document - 02960913
| Charter Number: | 02960913 |
|---|---|
| Cartulary Title: | The Cartulary of Oseney Abbey |
| Charter Language: | Latin |
| Charter Origin: | Religious |
| Charter Type(s): | Agreement, Settlement |
| Date: | 1262 |
| Date type: | Assigned |
| Resource Link(s): |
|
Charter:
Nouerint uniuersi quod cum placitum motum fuisset inter fratrem Ricardum abbatem Oseneye et eiusdem loci conuentum ex una parte et Iohannem filium Henrici de Bartone ex altera uidelicet super eo quod dicti abbas et conuentus peterent husbote et heybote de graua ipsius Iohannis apud Bartone et idem Iohannes peteret emendas a dictis abbate et conuentu et eorum hominibus super quibusdam transgressionibus dampnis et iniuriis sibi ut dicebat per eosdem illatis tandem pax amicabiliter inter partes formata est in hunc modum uidelicet quod dicti abbas et conuentus remiserunt et quietum clamauerunt dicto Iohanni et heredibus suis totum ius et clamium quod habuerunt ad petendum uel percipiendum husbote et heybote in graua ipsius Iohannis in perpetuum et insuper quadraginta solidos ei dederunt Et pro hac liberalitate dictus Iohannes feofauit dictum abbatem et conuentum de una acra capitali que continet tres selliones in territorio de Parua Bartona in puram et perpetuam elemosinam Que quidem acra iacet proximior uie ex parte orientali que ducit a curia dictorum abbatis et conuentus usque ad molendinum de Chetwode Ad hoc idem Iohannes remisit et quietum clamauit dictos abbatem et conuentum et homines eorum de omnibus transgressionibus dampnis et iniuriis sibi ab eisdem usque ad confectionem istius scripture aliquorsum illatis Ad perpetuam []
Source (click image below to view full size)
