Charter Document - 02960855
| Charter Number: | 02960855 |
|---|---|
| Cartulary Title: | The Cartulary of Oseney Abbey |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1213 |
| Date type: | Assigned |
| Resource Link(s): |
|
Charter:
Sciant [] quod ego Thomas de sancto Walerico dedi [] pro salute anime mee et Edele uxoris mee et Bernardi patris mei et Aanore matris mee et Reginaldi et Bernardi fratrum meorum et omnium antecessorum meorum et successorum deo et ecclesie beate Marie de Oseneya [] totum manerium meum de Mixeburi in liberam et puram et perpetuam elemosinam cum capitali curia et cum omnibus pertinenciis et libertatibus et liberis consuetudinibus ad idem manerium pertinentibus in villa et extra villam in dominiis et villenagiis in rusticis et eorum sectis in pratis in pascuis in uiis et semitis in molendinis et piscariis in stagnis et uiuariis et in omnibus aliis rebus et cum homagiis et seruiciis Roberti Purcel et heredum suorum de feodo quod de me tenuit in Newenton uidelicet uiginti quatuor solidos per annum de redditu et seruicio dimidii militis et quicquid in eodem feodo habui uel habere potui cum omnibus aliis pertinenciis ad predictum manerium de Mixeburi pertinentibus saluo iure patronatus ecclesie eiusdem manerii michi et heredibus meis remanente et saluis homagiis et seruiciis Wydonis de Areynes et heredum suorum michi similiter et heredibus meis remanentibus Volo etiam quod ipsi dicti canonici prefatum manerium habeant et teneant in perpetuum pure et libere et quiete ab omni seculari seruicio et omni demanda et omni exaccione sicut aliqua elemosina melius et liberius potest haberi et teneri Et si forte contigerit quod dominus rex seruicium de predicto manerio exegerit ego Thomas de sancto Walerico et heredes mei prefatum manerium versus dominum regem de omni seruicio de aliis terris nostris acquietabimus et sepedictum manerium cum omnibus pertinenciis et libertatibus suis prenominatis canonicis contra omnes homines in perpetuum warantizabimus Ut autem [] hiis testibus Radulfo Harang Walone de Camb[er]un Thoma Wascru Ingeram capellano Henrico de sancto Albano Henrico filio Symeonis Matheo de Bygestrop Willelmo de Leuekenore Radulfo filio Radulfi Harang Willelmo de Pychecote milite Radulfo de Estone et multis aliis
Source (click image below to view full size)
