Charter Document - 02960728
| Charter Number: | 02960728 |
|---|---|
| Cartulary Title: | The Cartulary of Oseney Abbey |
| Charter Language: | Latin |
| Charter Origin: | Religious |
| Charter Type(s): | Agreement, Settlement |
| Date: | 1281 |
| Date type: | Internal, Calendar, Regnal |
| Resource Link(s): |
|
Charter:
Nouerint uniuersi [] quod cum nuper placitum et dissensio moueretur inter me Ricardum filium Iohannis et fratrem Willelmum abbatem Osen[eye] et eiusdem loci conuentum super quadam secta curie quam ab eisdem abbate et conuentu exigere feci ad curiam meam de Stepelcleydona pro terris et tenementis aliquibus que de me tenuerunt in uilla predicta ac super quibusdam libertatibus quas idem abbas et conuentus habere uendicabant in eadem uilla inter nos ambiguitas haberetur pax et unanimitas est inter nos taliter reformata quod prefati abbas et conuentus et eorum successores liberi sint et quieti de cetero ab omni secta ad curiam meam predictam tam secta communi quam eciam aduentu ad visum franciplegii et omnes tenentes ipsius abbatis similiter ab omni secta ad eandem curiam sint quieti excepta curia mea de visu franciplegii ad quam omnes tenentes ipsius abbatis tam liberi quam villani venire debent semel per annum Et si tunc amerciati fuerint ibidem occasione quacumque abbas et conuentus amerciamenta illa habeant in sui commodum conuertenda ita tamen quod si tenentes ipsius abbatis quicumque cum aliquo forisfacto inuenti fuerint in boscis meis ad proximam curiam meam attachientur et ibi secundum consideracionem curie amercientur et illa michi remaneant amerciamenta Abbas eciam et tenentes sui communam habeant amodo in boscis et planis ad manerium meum de Cleydona pertinentibus exceptis antiquis et separatis dominicis meis que iacent contra manerium meum predictum in quibus communam habeant solummodo a festo sancti Michaelis usque ad festum sancti Martini sicut actenus consueuerunt Et si aueria predictorum abbatis et conuentus uel tenencium suorum in dampno meo inueniri uel occasione huiusmodi imparcari contigerit statim uadio sufficienti prestito deliberentur et per uisum legalium hominum eiusdem uille tam tenencium abbatis quam tenencium meorum absque omni placito et consideracione curie emende racionabiles michi fiant sine alio amerciamento Hec autem omnia pro me et heredibus meis et assignatis concessi totis temporibus duratura ita quod nec ego nec heredes mei nec eciam assignati a predictis abbate et conuentu nec eorum successoribus sectam aliquam ad curiam predictam exigere poterimus in futurum racione terrarum aut tenementorum que die confeccionis presencium tenuerunt nec libertates predictas infringere nec in aliquo tenori huius littere contraire In cuius [] Datum apud Querendon uicesimo quarto die Aprilis anno regni regis Edwardi filii regis Henrici nono
Source (click image below to view full size)
