Charter Document - 02960689

Assisa capta coram R Fulcon apud Etonam iuxta Wyndesor die Mercurii proxima ante festum sancti Petri ad uincula anno liiii Assisa uenit recognitura si Walterus Wimbreuile et Damerona uxor iniuste [] disseisiuit abbatem de Oseneya de libero tenemento suo in Owing et Northmerstone post primam [] et unde queritur quod diss[eisiuerunt] eum de duobus mesuagiis centum acris terre una uirgata terre duobus cotagiis duabus acris prati et septima parte duodecim acrarum bosci cum pertinenciis in Owyng et uno mesuagio una uirgata terre et dimidia cum pertinenciis in Northmerston Et Walterus et Damerona ueniunt et dicunt quod assisa non debet inde fieri eo quod idem abbas est inde in seysina de uno mesuagio duobus cotagiis una uirgata terre in Owyng et similiter de duobus mesuagiis et una uirgata terre et dimidia in Northmerstone Unde petit iudicium desicut est in seysina de predictis tenementis si assisa debeat fieri Et abbas per Walterum de Wrthe attornatum suum uenit et hoc idem recognoscit Ideo ipse abbas in misericordia pro falso clamio Et [de] predictis centum acris terre duodecim acris prati septima parte duodecim acrarum bosci in Owynge dicit quod predictus abbas iniuste tulit assisam istam uersus eos eo quod idem abbas feofauit ipsum de eisdem tenementis et ipsum inde posuit in seysinam et homagium suum fecit unde dicit quod adeptus fuit seysinam illius tenementi bona et spontanea uoluntate ipsius abbatis et de hoc ponit se super assisam Et abbas uenit et dicit quod reuera quedam prolocucio facta fuit [i]nter ipsum et predictos Walterum et Dameronam de predictis ita quod idem Walterus et Damerona haberent predictam terram de predicto abbate Oseneye et eiusdem loci conuentu ad feodi firmam pro quadraginta marcis quas idem Walterus et Damerona ei pre manibus darent et pro quatuor marcis annuis Et dicunt quod idem Walterus tradidit illas xl marcas Priori eiusdem domus sub sigillo domini Radulphi de Hengham ad opus predicti abbatis et quod idem abbas eisdem Waltero et Damerone quandam cartam inde fieri fecit [recognitores dicunt] hoc quod abbas nullam seysinam eisdem Waltero et Damerone per se uel per alios qui [per] litteras ipsius abbatis patentes aut alio quocumque modo ad hoc habuerint potestatem seysinam eis inde fecerunt Et dicunt quod predictus Walterus sic adiuit predicta tenementa et propria auctoritate sua sine abbate uel aliquo alio ad hoc potestatem habente sicut predictum est posuit se in seysinam de predictis tenementis et seysinam suam continuauit per xv dies Et dicunt quod finitis illis quindecim diebus accessit predictus Walterus apud Oseneyam et ibi inde fecit eidem abbati de eisdem tenementis homagium suum Quesiti ubi fecit homagium illud dicunt quod in capitulo Oseneye coram conuentu Quesiti si idem abbas post homagium illud restituisset eidem Waltero predictam cartam dicunt quod non Quesiti si idem abbas post homagium predictum receperit predictas xl marcas dicunt quod credunt quod adhuc sunt sub sigillo domini Radulphi et in custodia predicti Prioris Et predictus Walterus quesitus qui interfuerint capcioni homagii sui in capitulo predicto dicit quod ipse solus et predicti abbas et conuentus Datus est dies partibus de audiendo iudicio suo coram rege apud Kinton die dominica proxima Ad quem diem predictus abbas per predictum Walterum attornatum suum et similiter predictus Walterus de Wymbreuile et Damerona per Walterum uirum suum et balliuum ipsius Damerone uenerunt et instanter petierunt record et iudicium suum in assisa predicta Unde facto recordo ibidem coram predicto rege et eius consilio compertum fuit per assisam predictam quod predictus Walterus de Wymbreuile et Damerona uxor eius ingressi fuerunt predicta tenementa per intrusionem sicut predictum est et quod conuenciones predicte modo debito et secundum consuetudinem Anglie perfecte non fuerunt nec homagium predictum eo quod inter partes tantum et non coram aliquibus per quos inde constare possit secundum quod publice constare deberet de huiusmodi feofamentis omnibus et quod ipsi Walterus et Damerona titulum tenementi illius non habebant super quo homagium illud fieri debuit nisi per intrusionem predictam Nec idem abbas cartam predictam eis restituit nec pecuniam predictam recepit post homagium illud sic captum nec antea nec aliquo modo per formam predictam plene constare potuit quod ipsi secundum consuetudinem regni per conuenciones predictas titulum liberi tenementi inde habere potuerunt modo predicto Ideo consideratum est quod predictus abbas recuperet seysinam suam de predicto tenemento per uisum rec[ognitorum] exceptis uno mesuagio duobus cotagiis et una uirgata terre in Owinge et similiter duobus mesuagiis et una uirgata terre in Northmerstone Et predicti Walterus et Damerona pro dissaisina in misericordia