Charter Document - 02960603
| Charter Number: | 02960603 |
|---|---|
| Cartulary Title: | The Cartulary of Oseney Abbey |
| Charter Language: | Latin |
| Charter Origin: | Religious |
| Charter Type(s): | Agreement, Settlement |
| Date: | 1189 |
| Date type: | Assigned |
| Resource Link(s): |
|
Charter:
Uniuersis [] T permissione dei de Gloucestria et R Cyrencestrie abbates et Gaufridus prior Lanton salutem Ne ea que semel bene terminata sunt alicuius in posterum temeritate conuellantur necesse est ut auctoritate roborentur ut recidiuo dolore nullatenus in irritum deuocari possint Ad omnium itaque uestrum uolumus noticiam peruenire qualiter controuersia que uertebatur inter abbatem et canonicos de Oseneya et priorem et monachos de Teffordia super ecclesia de Hokham nobis auctoritate summi pontificis Clementis tercii commissa tandem amicabiliter sopita est Constitutis siquidem in presencia nostra Hugone abbate de Oseneya et Martino priore de Teffordia post multas utriusque partis allegaciones prefatus abbas pro se et pro conuentu suo intuitu mutue confederacionis et pacis tam spontanee quam absolute omnem querelam de ecclesia de Hocham remisit iamdictis priori et monachis de Teffordia ita quod nunquam de cetero super ea re eis querelam mouebunt Idem uero prior incontinenti ex parte sua et conuentus de Teffordia ad instanciam et peticionem nostram concessit abbati et canonicis de Osen decimas de dominio Hugonis de Croftes in Wauertona de omnibus rebus que decimari possunt et debent et preterea duas partes decimacionum de dominio Roberti de Albeni in Twycros sicut melius et liberius ad predictos monachos pertinent tenend de se in perpetuum sub annua pensione duorum solidorum ipsis ad Pascha reddendorum apud Wycham de Dipthone terram predictorum monachorum quas uidelicet decimas sicut predictum est eis warentizare tenentur Nos igitur hiis que per nos tanta auctoritate acta sunt robur addentes ne in posterum possint aliquorum calliditate aduersa mutari presentis inscriptione pagine auctoritate apostolica qua fungimur roboramus necnon et sigillorum nostrorum munimine confirmamus Hiis testibus Radulfo [de Winchelcumbe] abbate magistro R de Waxtunesham []
Source (click image below to view full size)
