Charter Document - 02960547
| Charter Number: | 02960547 |
|---|---|
| Cartulary Title: | The Cartulary of Oseney Abbey |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1184 |
| Date type: | Assigned |
| Resource Link(s): |
|
Charter:
Notum sit omnibus Sancte Matris Ecclesie filiis controuersiam que uertebatur inter abbatem et monachos de Gloucestrie et abbatem et canonicos Oseneye super una summa frumenti et tribus solidis que abbas et canonici Oseneye ab abbate et monachis Gloucestrie petebant hoc fine conquieuisse Abbas et canonici Oseneye prefatam summam frumenti et tres solidos abbati et monachis Gloucestrie inperpetuum remiserunt Abbas uero et monachi Gloucestrie concesserunt abbati et canonicis Oseneye ut eorum capella de Aldeswrthe inperpetuum percipiat medietatem omnium decimationum proueniencium ex terris quas bubulci sui de curia sua de Aldeswrthe solent tenere et ad opus proprium colere scilicet de xlix acris Et similiter medietatem decimationum proueniencium ex ceteris rebus de quibus decime dari solent Et si forte aliis seruientibus in eadem curia ad opus proprium terram non colentibus in blado uel in aliis rebus que decimari solent stipendia dentur earum rerum medietatem decimationum similiter percipiet prenominata capella de Aldeswrthe ita quidem quod si prefati homines decimas predictas dare noluerint abbas et monachi Gloucestrie eos ad eorundem solucionem compellent aut permittent eos ecclesiastica censura compelli Quod si aliquando contigerit predictas terras in dominium abbatis et monachorum Gloucestrie reuocari uel ad alios quoscumque cultores transferri nihilominus de eisdem quadraginta nouem acris medietas decimarum dabitur predicte capelle de Aldeswrthe set in agro relinquetur Prefati uero bubulci qui predictas terras prius colebant tunc ex stipendiis suis nullas decimas persoluent predicte capelle de Aldeswrthe Et ut hec compositio rata et inconuulsa perpetuo permaneat presentis scripti serie et utriusque monasterii sigillorum testimonio diuiso inter eos cyrographo confirmata est Hiis testibus Rogerio priore de Lanton magistro Petro de Leth Gaufrido de Lardario Radulfo decano de Estleche Gaudino de Nortleche Radulfo de Hameoney Godefrido de Culna Gerardo de Tormerton sacerdotibus magistro Ricardo Britone Roberto de [] magistro Iohanne de Cernai magistro R[] Walerando de Crichelade [] Carbunel
Source (click image below to view full size)
