Charter Document - 02960540
| Charter Number: | 02960540 |
|---|---|
| Cartulary Title: | The Cartulary of Oseney Abbey |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1271 |
| Date type: | Internal, Feast, Regnal |
| Resource Link(s): |
|
Charter:
Hec est conuentio facta in crastino Translationis sancti Thome Martiris anno regni regis Henrici filii regis Iohannis quinquagesimo quinto inter religiosos uiros [] abbatem et conuentum sancti Petri Gloucestrie ex parte una et [] abbatem et conuentum de Oseneye ex altera uidelicet cum esset quedam contentio inter dictos religiosos super quadam pastura que vocatur Hayllinge in uilla de Aldeswrthe dicti abbas et conuentus sancti Petri Gloucestrie communibus amicis interuenientibus prefatis abbati et conuentui de Oseneya gratiose concesserunt ut habeant in predicta pastura sex boues de grangia sua de Aldeswrthe a festo Pentecostes usque ad festum sancti Michaelis quandocunque iidem abbas et conuentus Gloucestrie infra dictum tempus aueria sua in eadem pastura apposuerint nec licebit dictis abbati et conuentui de Oseneya predictos boues suos in prefata pastura aliquando ponere uel ibidem retinere nisi cum abbas Gloucestrie ibidem aueria sua posuerit et tenuerit Concesserunt eciam dicti abbas et conuentus sancti Petri Gloucestrie prenonimatis abbati et conuentui de Oseneya quod habeant duodecim aueria bouini sexus libere in predicta pastura a festo sancti Michaelis usque ad Pentecosten sicut liberi homines eiusdem uille de Aldeswrthe habere consueuerunt Prenominati uero abbas et conuentus de Oseneya pro se et successoribus suis concesserunt quod predictam conuentionem ratam firmam et stabilem habebunt inperpetuum et de eadem sine aliqua augmentatione erunt contenti et in nullo contra eandem uenient inperpetuum Et ut hec conuentio perpetuitatis robur optineat prolocuti religiosi presenti scripto sigillum capituli sui alternatim apposuerunt Hiis testibus []
Source (click image below to view full size)
