Charter Document - 02950289

Hoc scriptum testatur quod cum orta esset contentio in[ter] d[omi]num Abbatem et Conv[entum] F[urnesii] ex una parte et d[omi]num Ricardum de Cauncefelde et Alinam sponsam suam ex altera super injuriis et dampnis dictis Abbati et Conv[entui] a predictis d[omi]no Ricardo et Alina ut dicebant illatis tandem de consilio amicorum et predictarum partium consensu sopita est amicabiliter in hunc modum videlicet quod predicti Ricardus et Alina pro bono pacis concesserunt se daturos prenominatis Abbati et Conv[entui] xii marcas t[er]re cum pert[inentiis] infra F[urnes] per rationabilem extentam in loco competenti tenendum et habend[um] eisdem Abbati et Conv[entui] eorumque succ[essores] inperp[etuum] libere quiete et pacifice si contingat eosdem Ricardum et Alinam terras que fuerunt d[omi]ni M[ichelis] de Fournes finito placito moto seu movendo inter ipsos et W[illelmum] de F[ournes] per amicabilem compositionem vel quocunque alio modo hereditabiliter retinere Concesserunt etiam prefati Ricardus et Alina et fide media fideliter promiserunt pro se et her[edibus] suis dictis Abbati et Conv[entui] omnes t[er]ras et divisas quas habuerunt et tenuerunt infra F[urnes] die et anno confectionis hujus scripti quietas et solutas ab omni impetitione clamio et calumpnia eorundem Ricardi et Aline et her[edum] suorum inperpetuum Preterea sepe dicti Ricardus et Alina facient pred[ictis] Abbati et Conv[entui] cartam de feoffamento et plenam seisinam rerum predictarum infra mensem finitis placitis inter predictos et omnimodam aliam securitatem quam iidem Abbas et Conv[entus] voluerint providere per visum fide jussorum subscriptorum et aliorum virorum fide dignorum ad que omnia fideliter observanda et omnino perficienda antedicti Ricardus et Alina obligaverunt se et her[edes] suos et omnia bona sua mobilia et immobilia ubicumque fuerint inventa subjicientes se jurisdictioni et cohercioni eorundem Abbatis et Conv[entus] seu cujuscunque alterius judicis vel potestatis quem vel quos iidem Abbas [et Conventus] ad hoc eligere voluerint sub pena denarios bonorum sterlingorum fabrice nove Ecclesie Westm[asterium] solvendorum seu alibi ubicumque dicti Abbas et Conv[entus] eam voluerint assignare si predicta presumpserint infringere vel eis in aliquo contraire Et ut prenominatis Abbati et Conv[entui] major et melior securitas preparetur super omnibus prenotatis supradicti Ricardus et Alina dederunt eis et invenerunt fide jussores subscriptos scil[icet] d[omi]num Ricardum le Butiller tunc Vicecom[item] Lancastrie d[omi]num J[ohannem] de Cancefelde d[omi]num Robertum de Hampton Alanum de Katertona Fraricum de Burnham tunc Constabularium de Horneby et Nicholaum de Wygam Qui quidem omnes et singuli presentes et consentientes pres[entes] scripto una cum sigillis eorundem Ricardi et Aline sigilla sua apposuerunt obligantes se et her[edes] suos sub eodem modo et eadem pena quo et qua prefati Ricardus et Alina superius obligantur pro observatione omnium predictorum Acta et data in Abbatia F[urnesii] die b[eati] Nicomedis Martyris Anno ab Incarnatione Domini MCCLXIX Anno R[egni] Regis Henrici filii R[egis] J[ohannis] liii Ad hoc sciendum est quod si pen[a] pred[icta] dictorum Ricardi et Aline et fide jussorum suorum versus eosdem Abbatem et Conv[entui] incurratur nihilominus jus ipsorum Abbatis et Conv[entus] inpetendi versus antedictos d[omi]num Ricardum et Alinam in puro et primo robore perseveret et similiter versus fide jussores denarios librarum Memoria feoffamenti facti p[er] Michaelem F[lamengum] Ewano Abbati de Roos et Crivelton [] Memorandum quod Michael Flamengus qui feoffavit Ewanum Abbatem de F[urnes] de Roos et Crivelton per excambium pro Berdesey cui successit filius ejus W[illelmus] cui Willelmo successit Michael filius ejus cui Michaeli successit W[illelmus] filius ejus cui W[illelmo] successit M[ichael] filius ejus qui mersus fuit in Leven non habens heredem de corpore suo cui successit Alina soror ejus sponsa d[omi]ni Ricardi de Cauncefelde cui Aline successit J[ohannes] de Cauncefelde filius ejus