Charter Document - 02950193

Universis hoc scriptum visuris [] T[home] Schilleharre Burgensis de Daltoun in F[ournes] salutem in Domino Noveritis me velle et concedere et pres[entes] scripto astringere quod omnes conventiones et exhibitiones tam denariorum quam rerum aliarum mobilium et immobilium portionem etiam panis et servisie et necessariorum aliorum que michi aut meis concessa fuerunt aliquo tempore a Venerabili Patre d[omi]no Will[elmo] de Kokirham Abbate de F[ournes] et ejusdem loci Conv[entui] in scripto aut extra scriptum pro mussa t[er]ra et pastura mea de Angertona irritentur cessent et pro nichilo habeantur et quod ego aut aliquis ex parte mea nichil inde penitus ex tunc exigere vel vendicare poterimus si quod absit ego T[homas] aut her[edes] mei dictam t[er]ram pasturam et musam memoratis Abbati et Conv[entui] et eorum succ[essoribus] plene warantizare non poterimus aut noluerimus seu in warantiam vocati finxerimus [] et omnia ad ipsorum verum valorem quecunque de premissis in denariis aut denariatas recepi vel recipiam eisdem Abbati et Conv[entui] me presenti scripto promitto restiturum et her[edes] meos restituros et illam portionem t[er]re mussa et pasture quam recuperavi coram Justic[iariis] Itin[erantibus] apud Lancast[re] Anno R[egni] Regis Edwardi xx dictis Abbati et Conventui una cum principali memorato integraliter concedo et warantizabo hanc etiam warantiam ad meos transferens heredes in premissorum aut restituendorum securitatem si necesse fuerit et portionis t[er]re additione modo quo dictum est eisdem Abbati et Conv[entui] fideliter et integre facienda obligo me et omnia bona mea mobilia et her[edes] meorum infra et extra F[ournes] inventa distributioni et cohercioni Abbatis et Conv[entus] de F[ournes] ut nos distringant de die in diem sine vadio et plegio usque ad plenarium restitutionem omnium predictorum In cujus rei test[imonium] [] Acta et data in Abbatia F[ournesii] in Crastino s[ancti] Ambrosii Episcopi Anno Gr[atie] MCC nonagesimo tertio