Charter Document - 02941286

Hec est finalis concordia facta in curia domini Regis apud Linc[] a die Sancti Hillar[i] in xv dies anno regni Regis Henrici filii Regis Johannis quinquagesimo sexto coram Radulfo Abbate de Croyland Gilberto de Preston Willelmo de Weland Waltero de Helyun et Johanne de Oketon justiciariis itinerantibus et aliis domini Regis fidelibus tunc ibi presentibus inter Thomam Abbatem de Seleby querentem et Adam de Flexburg et Emmam uxorem suam deforciatores de duobus mesuagiis et vij bovatas terre cum pertinenciis in Stalingburg Unde placitum convencionis sum monitum fuit inter eos in eadem curia sc[ilicet] quod predicti Adam et Emma recognoverunt predicta tenementa cum pertinenciis esse jus ipsius Abbatis et Ecclesie sue S[ancti] G[ermani] de S[elebi] ut illa que idem Abbas et Ecclesia sua predicta habent de dono ipsorum Ade et Emme habendum et tenendum eidem Abbati et success[ores] s[uis] et eccl[esie] sue predicte de predictis Ada et Emma et heredibus ipsius Emme in pur[am] et perp[etuam] el[emosinam] li[bere] et qui[ete] ab omni seculari servicio et exaccione inperpetuum Et predicti Adam et Emma et heredes ipsius Emme warantizabunt acquietabunt et defendent eidem Abbati et success[ores] s[uis] et Eccl[esie] s[uis] predicte predicta tenementa cum pertinenciis ut li[bere] pur[am] et perp[etuam] el[emosinam] suam contra omnes homines inperpetuum Et idem Abbas concessit pro se et successoribus ejus et ecclesia sua predicta quod ipsi de cetero reddent singulis annis eidem Ade et Emme tota vita utriusque ipsorum Ade et Emme duo corrodia monachorum sc[ilicet] duos albos panes monachalis et duas lagenas cervisie monachalis duo fercula et duas pitancias ita sc[ilicet] quod quando carnes comeduntur predicta fercula percipient carnalia ter in ebdomada Et preter corrodia predicta qualibet die unum panem bisum qualem carucatores ejusdem Abbatie percipiunt et quod dabunt eisdem Ade et Emme singulis diebus tota vita utriusque ipsorum Ade et Emme corrodium unius garcionis sc[ilicet] unum pa[nem] armigeri unum ferculum et unam lagenam secunde cervisie Et dabunt eisdem singulis annis sex petras casei et tres petras buturi pro cenaculis suis ad festum Nativitatis Sancti Johannis Baptiste et quod dabunt eisdem Ade et Emme tota vita utriusque ipsorum Ade et Emme singulis annis duas marcas xij solidos et viij denarios ad festum Nativitatis Sancti Johannis Baptiste et quod dabunt eisdem Ade et Emme duo paria botarum monachum ad festum Sancti Michaelis Concessit eciam idem Abbas eisdem Ade et Emme tota vita utriusque ipsorum Ade et Emme unum mesuagium cum pertinenciis in Seleby illud sc[ilicet] mesuagium cum pertinenciis quod Willelmus le Taillur de Beuerle aliquando tenuit ita sc[ilicet] quod idem Abbas et successores sui et ecclesia sua predicta predictum mesuagium cum pertinenciis sumptibus suis tota vita utriusque ipsorum Ade et Emme sustinebunt Et si necesse fuerit edificabunt et warantizabunt acquietabunt et defendent eidem Ade et Emme predictum mesuagium cum pertinenciis contra omnes homines tota vita utriusque ipsorum Ade et Emme Et preterea idem Abbas concessit pro se et successoribus suis et ecclesia sua predicta quod ipsi de cetero reddent eidem Ade tota vita ipsius Ade decem miliaria turbarum simul cum decem carucatas bosci ad festum Sancti Michaelis ad mesuagium quod eis per finem istum remanet percipienda Et quod dabunt eidem Ade singulis annis vij quarteria bone avene quatuor carratas boni feni et iij carucatas forragii de frumento et dimidiam quartarii salis ad festum Sancti Michaelis percipiendas et quod dabunt eidem Ade singulis annis duas petras cepi et duas libras cere et dimidiam petram uncti porcini ad festum Sancti Martini in yeme percipiendas Et similiter idem Abbas concessit predicto Ade tota vita sua unam acram prati cum pertinenciis in predicta villa de Seleby illam sc[ilicet] acram que jacet in prato quod vocatur Haysted ex occidentali parte ejusdem prati et post decessum utriusque ipsorum Ade et Emme predictus Abbas et successores sui et ecclesia sua predicta erunt quieti de solucione predictorum duorum corrodiorum monachilem corrodii unius garcionis panis bisi casei butiri duarum marcarum duodecim solidorum et octo denariorum et duorum parium botarum monachilem inperpetuum Et similiter predictum mesuagium cum pertinenciis in Seleby integre revertetur ad predictum Abbatem et successores suos et ad ecclesiam suam predictam quiete de heredibus ipsorum Ade et Emme inperpetuum Et similiter post decessum ipsius Ade idem Abbas et successores sui et ecclesia sua predicta erunt quiete de solucione turbe avene feni foragii salis cepi cere uncti inperpetuum Et similiter predictum pratum cum pertinenciis integre revertetur ad predictum Abbatem et successores suos quiete de heredibus ipsius Ade inperpetuum