Charter Document - 02941212

Cum controversie mote fuerunt inter dominum Johannem de Moubrey filium et heredem domini Rogeri de Moubrey ex parte una et dominum Abbatem et Conventum Monasterii S[ancti] G[ermani] de S[eleby] ex altera super quibusdam rebus et articulis dictos dominos Johannem et Abbatem tangentibus tandem die Mercurii prox[ima] ante festum Assumpcionis Beate Marie Virginis a[nno regni] Regis Edwardi filii Regis Edwardi quarto comunibus amicis intervenientibus concordati sunt in hunc modum videlicet quod pred[ctus] dominus Johannes remisit et qui[etam] cla[masse] pro se et her[edes] s[uis] pred[icti] Abb[ati] et Conv[entui] et eorum success[ores] inperp[etuum] totum jus et clamium et omnimodas acciones et calumpnias qua vel quas habuit vel aliquo modo habere poterit in manerio et soka predictorum Abbatis et Conventus de Crull cum omnibus suis membris videlicet Estoft Ludington Gerlethorp Waterton Amcotys Tetteley et Aland cum suis omnibus pertinenciis tam in advocacionibus ecclesiarum quam in aliis quibuscumque rebus exceptis dominiis terris tenementis et serviciis ipsius domini Johannis cum suis pertinenciis que habuit et Gerlethorpe et Marisdik die confeccionis presencium et exceptis serviciis eundem dominum Johannem contingentibus de octo bovatas terra cum pertinenciis in Amcotys qua fuerunt de dominio dicti domini Johannis die confeccionis presencium Et pro hac remissione et quieta clamacione pred[icti] Abb[ati] et Conv[entui] concesserunt pro se et success[ores] s[uis] quod prefatus dominus Johannes et her[edes] s[uis] inperpetuum habeant liberam chaciam de feris qua ad liberam chaciam pertinent in omnibus terris et tenementis bosci et vastis infra manerium et sokam de Crull cum suis membris predictis ita tamen quod bene liceat prefatis Abbati et Conventui et eorum hominibus omnibus et singulis quocienscumque necesse fuerit hujusmodi feras de bladis et pratis suis recalciari salva semper ipsis [] Abb[ati] et Conv[entui] et eorum successoribus libera warenna sua in omnibus supradictis terris et tenementis suis videlicet de capreolo wlpe lepore cuniculo fesante perdice [] animalibus que ad warennam pertinent sine contradiccione vel impedimento predicti domini Johannis vel her[edes] s[uis] inperpetuum Concessit eciam dictus [] Abbas pro se et successoribus suis quod dictus dominus Johannes et her[edes] s[uis] possint se apparare pro voluntate sua de vastis bosci et pasturis suis infra insulam de Haxiholm et apparamenta illa et alia prius facta apparata tenere inperpetuum salva predictis [] Abbati et Conventui et success[ores] s[uis] hominibus et tenentibus eorundem sufficienti pastura cum libero ingressu et egressu ad liberum tenementum predictorum [] Abbatis et Conventus successorum hominum et tenencium suorum ac eciam pastura in eisdem approbamentis tempore aperto Preterea dictus dominus Johannes concessit pro se et her[edes] s[uis] quod dicti Abbas et Conventus et sui successores habeant et teneant inperpetuum calcetum quod se extendit de Crull usque Estoft et eciam calcetum quod se extendit inter Crull et Tetteley qualiscumque latitudinis et altitudinis voluerint ita tamen quod super calceto quod se extendit de Crull usque Estoft fiant excluse de latitudine duodecim pedum et unum magnum fossatum cujuscumque latitudinis et profunditatis voluerint a calceto illo usque in aquam de Trente ad inundaciones aquarum cum necesse fuerit evacuandas et una sewera super alio calceto inter Crull et Tetteley prout antiquitus esse consuevit et quod predicte excluse et sewera et fossatum sustententur sumptibus ipsorum Abbatis et Conventus inperpetuum Concessit eciam quod possint facere reparare et emendare calceta fossata sua et seweras suas ubicumque et quandocumque sibi viderint expedire ita tamen quod fere et alia animalia domestica ea transire poterint et quod bene liceat prefatis Abbati et Conventui et eorum successoribus additamenta pro voluntate sua infra sokam predictam facere boscum suum succidere assartare et eradicare et apparare se quandocumque et quoquomodo voluerint de vastis bosci moris et pasturis suis ubicumque infra dictam sokam de Crull existentibus Et apparamenta illa includere per fossata et kayas de altitudine quatuor pedum et dimidie ita quod fera illa valeant transilire et quod liceat eisdem Abbati et Conventui et eorum successoribus facere et levare duas vaccarias et duas bercarias tantum et villas et hamelettas suas ampliare et dilatare infra sokam predictam prout sibi melius viderint expedire ita quod alibi domus et edificia non construant infra predictam sokam et similiter predictus dominus Johannes concessit pro se et her[edes] s[uis] quod nullus forestarius nec aliquis alius minister suus nec heredum suorum petere seu vendicare poterint a dictis Abbate et Conventu et eorum successoribus nec de eorum hominibus quibuscumque infra sokam de Crull puncturam servicium nec aliquod aliud onus servitutis in futurum et quod bene liceat prefatis Abbati et Conventui et eorum successoribus et eorum hominibus et tenentibus omnibus et singulis canes suos sine expeditacione infra sokam predictam habere et tenere sicut antea tenere consueverunt et arcus et sagittas et alia arma sua ubique in predicta soka portare excepta tantum coopertura bosci infra predictam sokam ubi non liceat alicui arcus et sagittas portare nisi tantum Abbati et monachis et successoribus suis et custodibus suis warenne sue predicte et hominibus de propria familia sua et aliis quos ducere voluerint in presencia dicti Abbatis et monachorum et successorum suorum et hoc sine dampno feris faciendo Liceat eciam omnibus hominibus et tenentibus dicti Abbatis et successorum suorum arcus et sagittas portare per vias et semitas tam infra cooperturam boscum quam extra sine dampno feris faciendo et alibi ubique pro malefactoribus a restandi Liceat eciam dicto domino Johanni uxori sue heredibus suis et uxoribus heredum suorum et pueris suis et hiis quos in presencia sua ducere voluerint et libere familie eorum et custodibus libere chacie predicte arcus sagittas et alia arma sua portare ubique infra liberam warennam predictam sine dampno bestiis libere warenne faciendo In c[uius] r[ei] t[estimonium] parti hujus scripti cirographati penes predictos Abbatem et Conventum remanenti dictus dominus Johannes sig[illi] s[uis] apposuit et parti penes predictum dominum Johannem remanenti predicti Abbas et Conventus sig[illi] s[uis] commune apposuerunt salva eidem Johanni et her[edes] s[uis] sufficienti pastura cum libero ingressu et egressu ad liberum tenementum suum eciam pastura in eisdem approbamentis tempore aperto H[iis] t[estibus] dominis Johanne de Creppyngys Rogero de Beltoft militibus Galfrido de Ros Raynero de Waterton Ricardo de Amcot Roberto de Ludington et aliis Dat[um] die et anno supradictis