Charter Document - 02940909

Hoc scriptum cirograffatum testatur quod cum inter Abbatem de Selby et ipsius Conventum ex pane una et Abbatem et Conventum de Thornton ex altera super quibusdam decimis provenientibus de quibusdam locis rebus et animalibus dictorum Abbatis et Conventus de Thornton in villis et territorio de Swynflet et Rednesse ex parte orientali cujusdam loci qui vocatur le Kay infra parochiam seu loca decimacionis ecclesie de Snayth quam dicti Abbas et Conventus de Seleby in usus proprios optinent nunc existentibus et que aliquando de parochia de Athelingflet[] reputabantur orta fuisset contencio et questionis materia coram domino officiali curie Eboracensis et ipsius commissario generali demum dicta contencio communibus amicis intervenientibus sub hac forma pacifice conquievit inperpetuum valitura videlicet quod Abbas et Conventus de Thornton solvent perpetuo annis singulis in pecunia numerata decem et octo solidos argenti ad festum Assumpcionis Beate Marie Virginis eisdem Abbati et Conventui de Seleby ad capellam de Wytegift pro quibusdam decimis tam majoribus quam minoribus provenientibus de quodam molendino ad ventum tempore confeccionis presencium constructo et de locis cultis et colendis ipsorum Abbatis et Conventus de Thornton in dictis villis et territorio ex parte orientali dicti loci qui dicitur le Kay hactenus adquisitis Et si contingat dictos Abb[atem] et Conv[entum] de Thorneton in solucione dicte annue pensionis aliquo tempore ad dictum terminum per quindecim dies cessare quod absit liceat domino Archiepiscopo Eboracensi vel ejus officiali qui pro tempore fuerit et capitulo Eboracensi sede vacante ecclesias quas in dicta dioecesi in proprios usus optinent interdicere et bona sua ibidem inventa sequestrare et ea sub arcto sequestro per censuras ecclesiasticas quascumque facere custodiri sine strepitu judiciali ad solam assercionem dictorum Abbatis et Conventus de Seleby quousque eisdem Abb[atem] et Conv[entum] de Seleby tam de dicta pensione quam de dampnis et expensis si que vel quas ea occasione fecerint et sustinuerint plenaria fuerit satisfactum Et nihilominus illam summam que dudum contra rectorem ecclesie de Athelingflet lata extitit pro predictis religiosis de Seleby auctoritate curie Eboracensis contra predictos Abbatem et Conventum de Thornton in quantum eos contingere poterit execucioni debite demandare proviso quod omnis accio ex quacunque causa mota vel movenda in quacumque curia ecclesiastica vel seculari occasione dicte contencionis hinc inde totaliter sit exterminata salvo eisdem Abbati et Conventui de Seleby jure petendi decimas quascunque a tenentibus colonis et inquilinis predictorum Abbatis et Conventus de Thornton in locis supradictis Item si contingat quod decime provenientes de locis rebus et animalibus predictis ecclesie de Athelingflet sint legitime adjudicate extunc iidem Abbas et Conventus de Thornton ad solucionem dicte pecunie nullatenus sint astricti In c[uius] r[ei] t[estimonium] huic scr[iptum] cirograffato sigilla parcium alternatim sunt appensa Dat[um] apud Thorneton die Veneris prox[ima] post festum Omnium Sanctorum anno Domini millesimo CCC sexto