Charter Document - 02920556
| Charter Number: | 02920556 |
|---|---|
| Cartulary Title: | The Chartulary of St. John of Pontefract |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1251 |
| Date type: | Internal, A.D., Feast |
| Resource Link(s): |
|
Charter:
Sciant presentes et futuri quod ego Hugo filius Willelmi de Swinlintona pro salute anime mee et patris mei et matris mee et omnium antecessorum et heredum meorum concessi et hac presenti carta mea confirmavi deo et ecclesie sancti Johannis apostoli et evangeliste de Pontefracto et monachis ibidem deo servientibus illum annuum redditum quinque solidorum quem Robertus filius Hugonis de Swinlinton dictis monachis prius dedit et quem Willelmus pater meus eisdem monachis concessit et carta sua confirmavit tenend et habend predictis monachis in liberam puram et perpetuam elemosinam Quem redditum ego prenominatus Hugo et heredes mei fideliter persolvemus dictis monachis annuatim ad Pentecosten et ad festum sancti Martini per equales partes inperpetuum Et contra omnes homines dictum redditum dictis monachis inperpetuum warantizabimus et defendemus In cujus rei testimonium huic scripto sigillum meum apposui Datum apud Eboracum in crastino sanctorum Fabiani et Sebastiani anno gratie millesimo ducentesimo quinquagesimo primo mense Januario Hiis testibus domino Waltero de Ludam domino Nicholayo Devias Magistro Warnero de Pontefracto Roberto de Knaresburga Willelmo filio Helye Ricardo Seman Jacobo de Methelay Ada clerico de Swinlinton Johanne de Cailli et aliis
Source (click image below to view full size)
