Charter Document - 02920357
| Charter Number: | 02920357 |
|---|---|
| Cartulary Title: | The Chartulary of St. John of Pontefract |
| Charter Language: | Latin |
| Charter Origin: | Lay |
| Charter Type(s): | Confirmation, Quitclaim |
| Date: | 1238 |
| Date type: | Internal, Feast, Regnal |
| Resource Link(s): |
|
Charter:
Omnibus hoc scriptum visuris vel audituris Clementia de Lungvilers salutem Noverit universitas vestra me in pura viduitate mea inspectis carta antecessorum meorum caritatis intuitu collatis deo et sancto Johanni de Pontefracto et monachis ibidem deo servientibus super advocatione ecclesie de Silkistona cum capellis ad eandem ecclesiam spectantibus easdem cartas confirmasse dictis monachis ob salutem anime mee et omnium predecessorum et heredum meorum Quietum etiam clamavi dictis monachis totum jus meum et clamium quod habui vel unquam habere potui in jure patronatus dicte ecclesie cum ejus pertinentiis de me et de omnibus heredibus meis inperpetuum ita quod de cetero nec ego nec heredes mei aliquod jus vel clamium habere possimus nec vendicare in dicta ecclesia vel ejus pertinentiis Et si ita contingat quod aliquis heredum meorum contra hanc meam confirmationem et quietam clamationem ausu temerario venire presumpserit jus monachorum vel presentationem eorum impediendo in aliquo tempore cum dicta ecclesia vacaverit maledictionem dei omnipotentis et indignationem genetricis sue beate marie et maledictionem meam et omnium mulierum se noverit incursum Et ut hec mea confirmatio et quieta clamatio rata et stabilis perseveret omni tempore huic scripto pro me et heredibus meis sigillum meum apposui Datum apud Eboracum in pleno comitatu et primo post festum sancti Michaelis anno regni regis Henrici filii Johannis regis vicesimo secundo Hiis testibus domino J de Lasey comite Lincolnie domino Briano filio Alani tunc vicecomite Eborascensi Rogero de Stapiltona Ada de Neirfort Henrico Walensi Roberto de Stapiltona Rogero de Nottona et aliis
Source (click image below to view full size)
