Charter Document - 02920289

Sciant presentes et futuri quod ego Ricardus Walensis pro salute anime mee et domine Alicie Haget avie mee et omnium antecessorum meorum et heredum meorum concessi et hac presenti carta mea confirmavi deo et ecclesie sancti Johannis apostoli et evangeliste de Pontefracto et monachis ibidem deo servientibus in liberam puram et perpetuam elemosinam illas duas bovatas terre in territorio de Fristona cum omnibus pertinentiis suis quas habent ex dono Willelmi de Fristona et molendinum et situm molendini quod vocatur Hamelinemilne quod habent ex dono patris dicti Willelmi et totam illam culturam terre que jacet juxta dictum molendinum quam habent similiter ex dono dicti Willelmi cum toto stagno ipsius molendini et totum pratum quod habent in territorio de Feria ex dono domini Jordani de sancta Maria et domine Alicie Haget uxoris sue Illud scilicet pratum quod jacet inter pratum quod fuit territi de Feria versus suth et pratum Ade Russel versus north cujus unum capud percutit super Lengelathe et tendit usque ad magnam aquam de Ayr et illud pratum versus Helliwelle ultra rivulum qui venit de Pontefracto quod jacet inter pratum abbatis et monachorum de Fontibus versus north et pratum dicti territi de Feria versus suth cujus unum capud percutit super pratum hospitalis de Fulsnap et tendit usque ad magnam aquam de Ayr et fordales ejusdem prati qui percutiunt ex una parte super pratum dicti hospitalis ex alia parte super dictam aquam de Ayr et ex tertia parte super pratum quod fuit Roberti de Hikeltona et fordales prati de Fristona qui percutiunt ex una parte super rivulum de Fristona ex alia parte super pratum Agnetis de Merstona Item ex dono dicte domine Aliz Haget tres culturas terre in campis de Feria quarum una buttat super viam occidentalem que tendit versus Mundgoie et super Wluedale versus est et alia buttat super predictam viam et super Howes versus est et tertia buttat super Torndic versus north et super Herthesti versus suth Has omnes supranominatas terras et predictum molendinum et situm ejus et stagnum et omnia prenominata prata cum omnibus pertinentiis suis in bosco in plano in pratis et pascuis et pasturis in aquis et molendinis et piscariis in introitibus et exitibus et in omnibus aliis libertatibus et aisiamentis ad prenominatas terras molendinum et prata infra villam et extra et ubicumque pertinentibus tenebunt et habebunt dicti monachi in liberam puram et perpetuam elemosinam in bene et pace libere quiete pacifice et honorifice sine contradictione gravamine vel impedimento mei vel heredum meorum Ego vero Ricardus et heredes mei omnia supranominata cum omnibus pertinentiis suis sicut predictum est dictis monachis contra omnes homines warantizabimus et ab omnibus servitiis secularibus et demandis adquietabimus et defendemus inperpetuum Et ut hec mea concessio et confirmatio perpetue firmitatis robur optineat presenti scripto tam pro me quam pro heredibus meis sigillum meum apposui in testimonium Actum anno ab incarnatione millessimo ducentesimo quadragesimo octavo mensi Aprili Hiis testibus domino Henrico Walensi patre meo domino Adam de Everingham domino Roberto de Stapiltona domino Henrico fratre meo Johanne de Smithetona Gregorio de Camera Roberto et Nicholao de Knaresburga Willelmo de Fetherstana et aliis