Charter Document - 02920252
| Charter Number: | 02920252 |
|---|---|
| Cartulary Title: | The Chartulary of St. John of Pontefract |
| Charter Language: | Latin |
| Charter Origin: | Lay |
| Charter Type(s): | Grant, Quitclaim |
| Date: | 1216 |
| Date type: | Assigned |
| Resource Link(s): |
|
Charter:
Universis hoc scriptum visuris vel audituris Robertus filius Roberti filii Mose de Mara salutem in domino Noverit universitas vestra quod ego concessi et presenti carta mea confirmavi et sine retenemento imperpetuum de me et heredibus meis quietas clamavi deo et sancto Johanni de Pontefracto et monachis ibidem deo servientibus tres bovatas terre in territorio de Mara cum omnibus ad eas infra villam et extra pertinentibus et totum jus et clamium quod habui vel habere potui prefatis monachis sursum reddidi Illas scilicet tres bovatas quas Petrus frater meus antea dederat prefatis monachis et carta sua confirmaverat Pro hac autem concessione et quieta clamatione dederunt mihi prenominati monachi tres marcas argenti Et ne ego predictus Robertus vel heredes mei in posterum contra meam quietam clamationem venire vel aliquid jus aut clamium in prefatis bovatis terre vel earum pertinentiis vendicare possimus huic carte sigillum meum apposui Hiis testibus Henrico Walensi tunc senescallo Pontisfracti Johanne de Birkina Willelmo filio Everardi Ricardo Londiniis Willelmo de Fethirstana Radulfo de eadem villa Rannulfo de Castelforda Gilberto de Mara Ricardo de Martona et aliis
Source (click image below to view full size)
