Charter Document - 02911077

Anno regni regis Edwardi vii in festo Sancti Barnabe apostoli facta est hec amicabilis composicio inter dominum Johannem abbatem Glaston et eiusdem loci conventum ex parte una et Johannem filium Ricardi de Carswell[] ex altera videlicet quod cum contencio inter eos in pluribus articulis mota esset pax in hunc modum per mutuum assensum inter eosdem firmata est scilicet quod predicti abbas et conventus concesserunt pro se et successoribus suis eidem Johanni et Agneti uxori sue ac heredibus eorum quod habeant et teneant omnia tenementa sua que idem Johannes de eisdem abbate et conventu tenuit tempore confeccionis istius scripti libere quiete iure hereditario in manerio de Uplym in comitatu Devon in perpetuum reddendo inde annuatim predictis abbati et conventui ac successoribus eorundem v s sterlingorum ad iiij anni terminos principales pro equalibus porcionibus et in festo Beati Martini iiij d ad turnum vicecomiti et in festo Purificacionis Beate Marie xiiijd ad lardarium pro omni servicio et seculari demanda salva prefatis abbati et conventui secta de personis predictorum Johannis et Agnetis ac heredum eorundem ad curiam ipsorum de Uplym de termino Sancti Michaelis quandocunque eam tenere contigerit Preterea concesserunt predicti abbas et conventus pro se et successoribus suis memoratis Johanni et Agneti uxori sue ac fieredibus eorundem communam pasture ad averia sua et animalia sua in pastura sue de Uplym quantum pertinet ad tenementa sua predicta videlicet in vastis et campis apertis ubique exceptis clausis eorundem abbatis et conventus in eodem manerio scilicet clauso de la Brodemed[] et clauso de Oldemed[] et clauso de Losewell[] et toto clauso de Loshangr[] sicut fossatum et clausum fuit die confeccionis istius scripti Item concesserunt predicti abbas et conventus prefatis Johanni et Agneti uxori sue ac heredibus suis iij careas clausture de subbosco in bosco suo de Wolcomb[] loco competenti annuatim per liberacionem ballivi vel prepositi qui pro tempore fuerint tempore oportuno Pro hac autem amicabili composicione et concessione idem Johannes pro se et heredibus suis remisit et quietumclamavit in perpetuum dictis abbati et conventui et successoribus eorum ingressum quem clamavit habere in boscum de Wolcumbe cum capris suis et eciam racionabile estoverium quod clamavit habere in eodem bosco pertinens ad prefata tenementa sua ita quod nec prefati Johannes et Agnes uxor ipsius nec heredes eorundem in predictum boscum cum capris suis de cetero aliquem ingressum habeant nec estoverium buschie nisi tantum iij chareas annuatim secundum quod predictum est Remisit insuper predictus Johannes pro se et heredibus suis predictis abbati et conventui et eorum successoribus semitam quam habuit ultra culturam prope berkariam eorundem abbatis et conventus ex parte boriali ecclesie de Uplym Si vero contingat prefatum Johannem in fata des cedere et predicta Agnes pacificam possessionem predictorum tenementorum habuerit eadem Agnes prefatis abbati et conventui seu eorum successoribus solvet relevium quod ad eos pertinet de tenementis predictis Licebit eciam prefatis abbati et conventui ac successoribus eorum quandocunque et quoscienscunque sibi placuerit seipsos inpruwyare de terris vastis super montana predicti manerii frussiendis et seminandis ita tamen quod prefati Johannes et Agnes ac heredes eorum per singulos annos post bladium asportatum libere et absque ullo inpedimento possint communam suam habere in huiusmodi frussetis In cuius rei testimonium tam predicti abbas et conventus quam prefatus Johannes huic scripto in modum cirographi diviso alternatim apposuerunt sua sigilla Hiis testibus dominis Henrico de Ralegh[] Willelmo de Ralegh[] Thoma Pyno militibus Ricardo Pyk[] Gregorio Charlemayn et aliis