Charter Document - 02910752

[] Et predicti abbas et conventus vice versa dederunt et concesserunt michi et heredibus meis j mansum in Wotton[] in manerio suo de Buddeclegh[] et j virgatam terre cum pratis et aliis pertinenciis suis que Johannes de Mere aliquando de ipsis tenuit in villenagio et xlv acras et di terre arrabilis super la Eldedoune et v acras et j perticatam apud Alsitemed[] in campo occidentali predicti manerii et lxxx et xj acras terre arabilis in Berehull[] et Haywod[] in campo orientali et v acras prati ex parte boriali mansi Roberti de Wotton[] in eodem manerio de Buddecleie et lxxx acras et j perticatam terre arrabilis in cultura que vocatur Legholt in manerio de Stret[] et xviij acras prati in clauso in occidentali parte calceti de Stret[] quod Martinus de Legh[] aliquando tenuit et xv acras pasture in parte orientali de Prestmor ad claudendum et inpruwyandum tenend de ipsis et successoribus suis in excambio pro predicto tenemento in manerio de Brent[] quod ego prefatis abbati et conventui eorunque successoribus et monasterio predicto dedi et concessi et per cartam meam confirmavi Volo et concedo pro me et heredibus meis quod si predicti abbas et conventus vel eorum successores de predicto tenemento per aliquem vel aliquos aliquo unquam tempore inplacitentur et aliquis ius suum in quacunque curia postquam ego vel heredes mei vocati fuerimus in warantiam per defectum warantizacionis vel defensionis mei vel heredum meorum evicerit ita quod possessionem predicti tenementi infra manerium de Brent[] per hoc iudicialiter amittant protinus possessionem predictorum mansi terre pratorum et pasture de Buddeclegh[] et Stret[] sine strepitu iudiciali vel aliqua contradictione vel reclamacione mei vel heredum meorum ingrediantur habend et possidendam sibi et successoribus suis et monasterio suo in perpetuum Non licebit michi vel heredibus meis predictum mansum terram pratum vel pasturam in toto vel in parte alicui vel aliquibus dare vendere et in iudaismo vel alicubi invadiare vel aliquo alio modo alienare quominus predicti abbas et conventus et eorum successores possessionem suam in forma predicta habere possint si forte contingat [quod absit] quod eis aliquo tempore de predicto tenemento infra manerium de Brent[] periculum amissionis seu iudicialis privacionis imineat et si ego prefatus Reginaldus vel heredes mei predictum mansum terram pratum et pasturam in toto vel in parte alicui persone vel loco dederimus concesserimus vendiderimus invadiaverimus vel alio quocunque modo alienaverimus quominus predicti abbas et conventus et eorum successores warantiam et possessionem in forma predicta in eisdem manso terra prato et pastura habere possint obligo me et heredes meos per presentem scripturam quod solvere teneamur predictis abbati et conventui eorunque successoribus et monasterio predicto quingentas marcas sterlingorum infra iij menses postquam per predictos abbatem et conventum vel eorum successores super hoc fuerimus commoniti vel requisiti subiciens et supponens me et heredes meos iurisdictioni et cohercioni dni Bathon et Wellen episcopi vel eius officialis qui pro tempore fuerint qui nos per censuram ecclesiasticam ad plenam omnium predictorum observacionem compellant simul et districioni vicecomitis Somerset[] qui pro tempore fuerit ut me et heredes meos per terras et tenementa et omnia bona nostra mobilia et inmobilia ubicunque fuerint inventa distringant ad plenam solucionem predictarum quingentarum marcarum et observacionem omnium predictorum renunciando super hiis omni excepcioni defensioni regie prohibicioni et omni iuris remedio canonici et civilis que contra presens instrumentum vel factum obici possent vel opponi ita tamen quod postquam predictis abbati et conventui eorunque successoribus et monasterio predicto de prefato tenemento infra manerium de Brent[] per finalem concordiam in curia dni regis vel per remissionem concessionem aut confirmacionem cuiuscunque persone plena securitas facta fuerit et appareat presens instrumentum viribus omnino careat irritumque et inane habeatur [] Hiis testibus dnis Thoma Trivet Gaufrido de Stawell[] Johanne filio Gaufridi militibus Ricardo de Countevile Roberto de Sancta Barbara Reymundo Malet Waltero de Schapwyk[] et aliis Dat Glaston v Kal Augusti anno gracie mcclxxiij