Charter Document - 02910722

Noverint universi quod anno domini mcclxxvjj mensis Julii convenit inter dominum Johannem abbatem et conventum Glaston ex parte una et Rogerum le Tok[] de Greyngton[] ex altera ita videlicet quod predictus Rogerus reddidit predictis abbati et conventui totam terram suam pratum boscum et advocacionem ecclesie de Greyngton[] cum omnibus pertinenciis suis ubicunque fuerint in Greyngton[] et alibi et illa remisit et quietumclamavit de se et heredibus suis predictis abbati et conventui et successoribus suis in perpetuum sicut continetur in carta predicti Rogeri quam iidem abbas et conventus inde habeat et pro hac reddicione remissione et quietaclamancia predicti abbas et conventus et successores sui reddent predicto Rogero singulis annis tota vita sua x marcas argenti ad ij anni terminos scilicet in festo Beati Michaelis v marcas et in festo Pasche v marcas et singulis annis j robam sicut uni de libera familia ipsius abbatis Convenit eciam quod iidem abbas et conventus et successores sui sustentabunt Thomam filium et heredem predicti Rogeri sicut unum de libera familia ipsius abbatis et maritabunt eundem Thomam sicut liberum hominem suum cum tempus viderint oportunum ita quod dabunt totam predictam terram cum pertinenciis ita integre sicut ab ipso Rogero eam ceperunt cum advocacione predicta et aliis pertinenciis predicto Thome et uxori sue sub hac forma videlicet quod predicti abbas et conventus vel successores sui feoffabunt predictum Thomam et uxorem suam coniunctim de tota predicta terra prato et bosco cum omnibus pertinenciis habend et tenend eidem Thome et uxori sue ac heredibus de eis procreatis de predictis abbate et conventu et successoribus suis in perpetuum reddendo inde annuatim idem Thomas et eius uxor vel eorum alter qui superstes fuerit pro exoneracione predictorum abbatis et conventus predicto Rogero si supervixerit tota vita sua x marcas argenti et j robam decentem faciendo inde predicto abbati qui est capitalis dominus feodi et successoribus suis omnia servicia inde debita et consueta et si predictus Thomas aut predicta uxor sua obierit sine herede inter eos procreato tunc predicta terra pratum et boscum cum pertinenciis remanebunt illi eorum qui superstes fuerit tota vita sua et post mortem illius qui terram illam pratum et boscum ita habuerit tota predicta terra cum pertinenciis sicut predictum est integre revertetur ad heredes ipsius Rogeri et si contingat prefatum Thomam antequam per predictos abbatem et conventum maritetur et feoffetur in fata decedere tenentur iidem abbas et conventus proximo heredi memorati Rogeri eisdem condicionibus facere quod predicto Thome facere debuerant si superstes essent ut predictum est et si predicti abbas et conventus vel successores sui noluerint feoffare predictum Thomam et uxorem suam de predicta terra prato et bosco cum pertinenciis sicut predictum est tunc iidem abbas et conventus et successores eorum tenentur predicto Thome in cc marcis argenti ad reddendum ei vel assignatis suis infra annum post decessum prefati Rogeri patris sui si feoffamentum suum pecierit et ei fuerit contra iusticiam denegatum si vero predictus Thomas per prefatos abbatem et conventum se maritare noluerit tunc predicta terra cum pertinenciis remanebit in manibus abbatis et conventus donec idem Thomas eisdem abbati et conventui plenarie persolverit c marcas sterlingorum [] Hiis testibus dominis Thoma Trivet Galfrido de Stawell[] Johanne filio Galfridi militibus Michaele le Goyz Ricardo Pyk[] Thoma de Ivethorn[] et aliis